Свет
Јапонскиот премиер Нода најсиромашен од сите негови претходници
Актуелниот јапонски премиер Јошихико Нода е најсиромашниот меѓу претседателите на јапонските влади од 1984 година кога таквите податоци почнаа да се објавуваат.
Актуелниот јапонски премиер Јошихико Нода е најсиромашниот меѓу претседателите на јапонските влади од 1984 година кога таквите податоци почнаа да се објавуваат.Капиталот на јапонскиот премиер се проценува на 17,74 милиони јени (230 илјади долари), а просечниот капитал на членовите на неговиот кабинет е проценет на 50 милиони јени (649 илјади долари). Овие податоци за материјалниот статус на членовите на кабинетот на премиерот Нода, денеска ги објави јапонската влада.Финансиската состојба на Јошихико Нода е, на пример, многу поскромна во однос на првиот премиер од Демократаската партија, Јукио Хатојама, чие богатство се проценува на 1,44 милијарди јени (18,7 милиони долари) или на последниoт шеф на јапонската влада од Либерално-демократската партија, Таро Асо, кое е проценето на 455 милиони јени (5,9 милиони долари). Имајќи предвид дека семејството на премиерот Нодa е оптоварено со градежен кредит во висина од 33,85 милиони јени (439 илјади долари), навистина се чини дека неговата финансиска состојба е незавидна.Покрај тоа, во актуелната јапонска влада во моментов составена од 18 министри, којашто претендира да стане најсиромашниот владин кабинет по кабинетот на министри предводен од претходникот Наото Кан, Јошихико Нода е на 14-то место. Целиот негов имот се состои од домот во префектурата Тиба и земјиштето под него, како и штедната книшка на неговата сопруга на којашто има депонирано 2,6 милиони јени (33 илјади долари).Скромната состојба на Јушихико Ноди одговара на имиџот на актуелната влада и премиерот, како скромни и трудиољубиви работници, што тој сака да го изгради. Нода веднаш по неговиот избор за премиер изјави оти не сака да се смета дека ја фатил „златната рипка“, туку сака да го гледаат како рибар на обични мрени, кој не се плаши од напорната работа. Изминатиот месец откако е на функцијата, Нода остави впечаток на политичар кој ги избегнува помпезните фрази, многу гласност во работата и блескави костуми. Јапонските медиуми обрнуваат внимание на фактот дека ден по формирањето на владата, новиот премиер како ништо да не се случило отишол во најефтината експрес-берберница со мотото „Стрижам за 10 долари за 10 минути“, каде што се потстрижувал уште додека беше министер за финанси./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.