Свет
Преполн автобус падна во амбис во Индија, најмалку 25 загинати лица
Најмалку 25 лица загинаа а 30 се повредени откако автобус падна во бездна во северна Индија, пишува во вторникот весникот Hindustan Times повикувајќи се на претставник на локалната полиција Ритеш Чохан.
Најмалку 25 лица загинаа а 30 се повредени откако автобус падна во бездна во северна Индија, пишува во вторникот весникот Hindustan Times повикувајќи се на претставник на локалната полиција Ритеш Чохан.Инцидентот се случил во понеделникот вечерта по стемнување, во северната сојузна индиска држава Химачал Прадеш. Меѓуградскиот автобус кој сообраќал на релацијата од градот Биласпур во селото Бандла, се урнал во бездната на околу 4 километри оддалеченост од градот. Некои патници, кои сакале да патуваат со товар во истата насока, го застанале автобусот кој се движел кон Бандла Во темницата, возачот на автобусот не забележал дека застанал на работ на патот под кој веднаш почнувал амбисот.Луѓето почнале набрзина да влегуваат во автобусот во кој веќе имало повеќе од 40 луѓе. Неколку патници се обиделе да се искачат на покривот на преполниот автобус, а како резултат на тоа автобусот се навалил и паднал во бездната.На местото на несреќата пристигнале полициски и медицински екипи, а повредените се пренесени во болниците во градот Биласпур и во Шимли главниот град на сојузната држава.Според полицискиот началник Чохан, бројката на жртвите во несреќата може да биде поголема. Седум од повредените се наоѓаат во критична состојба, вели тој.Во септември, исто така, во автобуска несреќа во северниот дел на Индија загинаа 24 патници. Автобус предвиден за превоз на 26 патници, а кој превезувал 44 лица, се превртел и паднал во бездна, откако возачот изгубил контрола врз возилото./крај/хт/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.