Свет
Кејн ги отфрла обвинувањата за сексуално вознемирување
Водечкиот кандидат за републикански кандидат на американските претседателски избори, Херман Кејн во понеделникот потврди дека во текот на 1990-те бил обвинет за сексуално вознемирување, но додал дека тие обвиненија биел без основа.
Водечкиот кандидат за републикански кандидат на американските претседателски избори, Херман Кејн во понеделникот потврди дека во текот на 1990-те бил обвинет за сексуално вознемирување, но додал дека тие обвиненија биел без основа. Сите обвинија за сексуално вознемирување се лажни, изјави денеска републиканецот Кејн, соочен со најтешкиот предизвик откако ја почна кампањата за здобивање номинација од неговата партија за претседателските избори. Во моментите кога во анкетите тој е на првото место меѓу потенцијалните претседателски кандидати на републиканците, на информативниот портал Politico беа објавени обвиненијата на две службенички за наводното негово сексуално сугестивно однесување во периодот која го предводел Националното здружение на ресторани. Во интервјуто за телевизијата Fox News, поранешниот претседател на управат на компанијата „Godfather Pizza“, изјави „Никогаш никого сексуално не сум вознемирувал. Да, бев лажно обвинет додека го водев Националното здружение на рестораните“.„Херман Кејн никогаш никого сексуално не вознемирувал. Точка. Крај на приказната“, изјави за телeвизиската мрежа MSNBC, шефот на неговата канцеларија Марк Блок. Во американските медиуми се смета дека овие обвинувања може да му наштетат на рејтингот на Кејн како републикански кандидат кој ќе му се спротистави на актуелниот американски претседател од редовите на демократите, Барак Обама, на изборите во ноември 2012 година. Во трката за претседателската номинација на републиканците, Хемран Кејн го мина Мит Ромни во последната национална анкета на CBS News и New York Times објавена во вторникот, со што се потврди дека Кејн се наоѓа во залет за американските избори во 2012 година, а гувернерот на Тексас кој до неодамна беше сметан за еден од главните фаворити, Рик Пери, заврши на петтото место.Првите републикански внатрепартиски предизбори ќе се одржат на 3-јануари 2012 година во сојузната држава Ајова./крај/ро/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.