Свет
Израел ги протерува Палестинците од источен Ерусалим
Израел ги брка палестинците од источен Ерусалим во рамките на политиката која би можела да се окарактеризира како воено злосторство, објави вчера угледната израелска невладина организација „Израелски одбор против рушењето на куќите“ (ИЦАХД).
Израел ги брка палестинците од источен Ерусалим во рамките на политиката која би можела да се окарактеризира како воено злосторство, објави вчера угледната израелска невладина организација „Израелски одбор против рушењето на куќите“ (ИЦАХД).
Организација вчера до ОН го предаде својот извештај и побара истрага за тврдењата6а дека Израел намерно на Палестинците им ги руши куќите, им ја укинала дозволата за престој и им го спушта квалитетот на животот.
„Сведоци сме на процес на етничко раселување. Израел отворено и намерно го крши меѓународното право, а мотивацијата е демографска“, вели Мајкл Сфард, адвокат кој учествувал во пишувањето на извештајот од 73 страници.
Стефан Милер, портпаролот на градоначалникот на Ерусалим, Нир Баркат, ги отфрла тврдењата наведени во извештајот. Во неговото соопштение се вели дека извештајот е темелен на „спорни факти, очигледни лаги и политички спин за Ерусалим, па оттаму управата на градот е сигурна дека ќе им се допадне на ОН“.
Во источен Ерусалим живеат околу 300.000 палестинци, кои претставуваат околу 35 проценти од вкупното население на градот, но ИЦАХД тврди дека Израел, откако ја презел контролата врз мнозинските арапски области, систематски го попречува новиот развој.
Една третина од градежното земјиште во градот е наменета за изградба на еврејски населби, а само на девет проценти е можна градба на други населби. Тоа земјиште е веќе искористено, со што ширењето на палестинските населби е практично невозможно.
„Палестинците немаат друг избор, освен си одат од источен Ерусалим, да градат бесправно или да живеат во ужасни услови“, вели Емили Шаефер, исто така автор на извештајот. Оние Палестинци кои ќе заминат на период подолг од седум години, остануваат без дозволата за престој и не смеат да се вратат. Од 1967 до 2010 година без право на враќање останаа 14.000 палестинци, од кои половината по 2006 година.
Оние кои градат илегално, живеат во постојан страв дека ќе им ги срушат куќите, а им се закануваат и големи казни. Израел од 1967 година наваму во источен Ерусалим срушил преку 2.000 куќи, а уште 1.500 чекаат на рушење.
„Палестинците де факто ќе бидат протерани од источен Ерусалим, не со пушки и камиони, туку со спречување на пристоен, нормален живот“, вели Сфрад.
Израел го зазема источен Ерусалим во војната во 1967 година, а потоа го анектираше и заедно со околните села од Западниот брег ги прогласи за една ерусалемска општина и за единствена и вечна израелска престолнина. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.