Свет
Аеродромот во Варшава останува затворен, пилотот прима честитки од цел свет
Меѓународниот аеродром во Варшава останува затворен за сообраќај до утре, заради вчерашното драматично слетување на боингот 767 на полската авиокомпанија ЛОТ.
Меѓународниот аеродром во Варшава останува затворен за сообраќај до утре, заради вчерашното драматично слетување на боингот 767 на полската авиокомпанија ЛОТ.
Благодарејќи на присебноста на пилотот Тадеуш Врона, авионот успешно слета без тркала, а сите 231 патници минаа без повреди.
Врона заради бравурозното слетување му пристигаат честитки од Полска, но и од целиот свет, меѓу другото и од пилотот на американски боинг кој пред две години успешно слета на реката Хадсон.
На Фејсбук се појави изреката „летај како орел, слетај како варана“, бидејќи пилотот го носи презимето според таа птица.
Тадеуш Врона е еден од најискусните пилоти на ЛОТ, а на авионите од типот боинг лета веќе 20 години.
Експертите се согласни дека покрај ладнокрвноста и присебноста, големо влијание за мекото и прецизно слетување одигра и фактот дека Врона веќе неколку децении е вљубеник во едрилиците.
Експертите сметаат дека токму прецизноста им ги спаси животите на патниците и екипажот, бидејќи доколку боингот се настранеше надвор од линијата на летот и удреше во пистата со крилото или странично, ќе се превртеше, ќе се искршеше и сигурно ќе имаше жртви.
Аеродромот во Варшава останува затворен подолго отколку што првично беше планирано, бидејќи боингот запре на таква позиција што не може да се користи ниту една од двете писти. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.