Свет
Шест повредени во експлозија во Норвешка
Шест лица се повредени од кои три се во критична состојба, во понеделникот во експлозија во фабриката „Malm Orstad AS“ во провинцијата Рогалан во југозападниот дел на Норвешка, јави телевизијата НРК.
Шест лица се повредени од кои три се во критична состојба, во понеделникот во експлозија во фабриката „Malm Orstad AS“ во провинцијата Рогалан во југозападниот дел на Норвешка, јави телевизијата НРК.Експлозијата ја потресла фабриката околу 10 часот утрово по локално време. Од компанијата, во којашто се вработени повеќе од 100 луѓе, којашто се наоѓа во близина на претпријатие за млечни производи, и од локалната полиција соопштија дека експлозијата поточно се случила во соседното претприајтие. На место биле испратени противпожарни екипи и екипи на брзата помош.Меѓутоа, се покажа дека експлозијата се случила во фабриката каде што, според првичните податоци, била тестирана опрема којашто се користи во нафтената индустрија. Зградата била зафатена од пожар, се додава во информацијата на норвешката телевизија.„Три лица се во критична состојба и се префрлени во клиниката во градот Берген, додека другите тројца повредени се со полесни повреди“, изјави за телевизијата HPK, претставничката на клиниката Ставангер, Мари Кох Сингелстад, каде прво биле хоспитализирани повредените.Според информациите од спасувачките служби, нема лица коишто се водат како исчезнати по силната експлозија. На местото на инцидентот работат 25 пожарникари кои по еден час успеале да го локализираат огнот.Норвешката компанија „Malm Orstad As“ е основана во 1946 година и се занимава со производство на опрема за нафтената индустрија./крај/хпк.рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.