Свет
САД – Иран: фокусот е на дипломатијата, не се исклучува воена интервенција
Белата куќа доцна синоќа објави дека од извештајот на Меѓународната агенција за атомска енергија (ИАЕА), кој треба да биде објавен неделава, очекува да ја рефлектира американската загриженост заради иранската нуклеарна програма
Белата куќа доцна синоќа објави дека од извештајот на Меѓународната агенција за атомска енергија (ИАЕА), кој треба да биде објавен неделава, очекува да ја рефлектира американската загриженост заради иранската нуклеарна програма, но одби да ги коментира деталите од извештајот кои протекоа во јавноста.
Портпаролот а белата куќа, Џеј Карнеј изјави дека Вашингтон и натаму верува дека најдобриот начин за борба против иранските нуклеарни амбиции е меѓународната дипломатија, но не се исклучува употребата на воена сила.
„Не сакам да прејудицирам извештај кој се уште не е објавен. Ние секако очекуваме извештајот да го изрази она што го говориме за однесувањето на Иран и неговиот неуспех да ги почитува своите меѓународни обврски“, истакна Карнеј.
На прашањето дали посто каква и да е можност САД да предводи или да учествува во евентуален воен удар на иранските нуклеарни постројки, Карнеј одговори дека дипломатијата е приоритет.
„Ние веруваме во дипломатијата. Секако, во ситуации како оваа никогаш од масата не ги тргаме и сите останати опции, но ние сме фокусирани на дипломатијата“, вели Карнеј.
Неидентификувани дипломатски извори вчера во јавноста пуштија информација дека во новиот извештај на ИАЕА ќе бидат посочени цврсти докази дека Иран се обидува физискиот материјал да го смести во боеви глави и да развие и балистички проектили кои ќе можат да ги пренесуваат тие боеви глави. Претходните извештаи посочуваа дека Иран развива технологија физиските материјали, уран и плутониум, да ги искористи за мирновременски цели, но се истакнуваше дека истата технологија може да се користи и за развој на нуклеарни бомби.
Сега, според дипломатските извори, извештајот ќе сугерира дека Иран развил компјутерски модели на нуклеарни боеви глави, а ќе бидат посочени и сателитски снимки на објект за кој ИАЕА верува дека голем челичен бункер, кој се користи за високоексплозивните тестови поврзани со изработката на нуклеарните оружја.
„Извештајот нам да содржи „крунски докази“, туку поширок збир на докази кои Иран многу тешко ќе ги отфрли како фалсификувани, како што правеше во изминативе години“, велат тие.
Американски функционери кои успеале да го видат извештајот и кој исто така побарале да останат анонимни, велат дека тој се чини „прилично уверлив“ и предвидуваат дека извештајот ќе ја зацврсти решителноста на американските сојузници, особено во Европа, да го засилат притисокот на Иран да докаже дека неговата нуклеарна програма е навистина за цивилна употреба, како што тврди.
Тие сметаат и дека администрацијата на Обама по извештајот ќе се фокусира на нови механизми за уште поцелосна изолација на Иран. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.
Свет
Полицијата уапси маж во Хемпшир: фрлил 50 мртви животни пред продавница
37-годишен маж е уапсен во Хемпшир откако повеќе од 50 мртви животни биле фрлени пред продавница.
Еден од вработените ја отворал продавницата кога наишол на „ужасна“ сцена, пренесува „Sky News“. Била повикана полиција која пред продавницата пронашла околу 50 мртви зајаци и други животни.
Полицајците на Хемпшир и вооружениот тим истражувале и откриле дека животните биле застрелани со огнено оружје. Дел од животните се заштитени со закон.
Полицијата синоќа соопшти дека тој се уште е во притвор.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски „Индекс“.
Новинар и снимател на српски „Информер“ пристигнале пред куќата на вујкото на Данка, каде што се случил помал инцидент. Пред нив излегол маж, кој се претставил како вујко на Данка, и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ „Информер“ во еден момент велат: „Удри го Рафа, удри го!“ и додаваат дека ќе биде добро за „шерот“ (удел во вкупна ТВ-гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.