Свет
Мали шанси за спасување на руската сонда
Мали се шансите за спасување на руското беспилотно вселенско летало, кое заради дефект остана во орбитата на Земјата, а доколку не стартуваат моторите, тони опасно токсично гориво ќе паднат на Земјата.
Мали се шансите за спасување на руското беспилотно вселенско летало, кое заради дефект остана во орбитата на Земјата, а доколку не стартуваат моторите, тони опасно токсично гориво ќе паднат на Земјата.
„Минатата ноќ(меѓу четврток и петок) преземени се повеќе обиди за добивање на телеметриски податоци од леталото. Ниту еден не вроди со плод. Изгледите за спасување на сондата се многу, многу мали“, изјави за агенцијата Интерфакс неименуван извор.
Вселенското летало „Фобос-Тло“ беше лансирана во вторникот вечер од рускиот космодром Бајконур во Казахстан со помош на ракетата Зенит 2. Во план беше да отпатува до Фобос, месечината на Марс и од таму да земе примероци од тлото.
Сондата се одвои од ракетата, но нејзините мотори не се активираа и остана во орбитата на Земјата.
Се претпоставува дека моторите не работат заради дефект на навигацискиот систем на вселенската сонда. Експертите се обидуваат да ја ресетираат компјутерската програма на леталото за да може да проработи пред да се испразнат батериите.
Астрономите аматери први ги забележале проблемите бидејќи забележале дека сондата не ја напушта орбитата на Земјата.
Последниот во серијата проблеми со лансирањето на вселенски бродови, ги пробуди стравувањата од состојбата во руската вселенска индустрија. Руската вселенска агенција соопшти дека ќе воспостави сопствена инспекција за контрола на квалитетот во фабриката за лансирни ракети.
„Фобос-Тло“, со вредност од 179 милиони долари, е прва интерпланетарна мисија на Русија откако во 1996 година пропадна нејзината роботска мисија на Марс. Тогаш беспилотното вселенско летало се урна на Земјата набрзо по полетувањето заради дефект на моторот.
Ако контролорите на летање не успеат да ги поправат системите на „Фобос-Тло“, тоните негово исклучително токсично гориво може да паднат на Земјата, предупредуваат експертите.
Конструкторот на сондата, руската компанија „Лавочкин“, го опиша своето дело како најтежок вселенски брод на сите времиња, при што најголемиот дел од неговата тежина – 13,2 метрички тони – е горивото. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.