Свет
Ракетен напад во Авганистан врз Џиргата
Две ракети експлодирале во близина на местото на одржување Лоја Џирга или Големото собрание во авганистанскиот главен град Кабул, на којшто влијателните племенски старешини дискутирале за карактерот на идните односи со САД.
Две ракети експлодирале во близина на местото на одржување Лоја Џирга или Големото собрание во авганистанскиот главен град Кабул, на којшто влијателните племенски старешини дискутирале за карактерот на идните односи со САД.„Тоа е очигледно ракетирање извршено од Кабул“, го цитира AFP началникот на полицијата во авганистанската престолнина Мохамед Ајуб Саланги во четвртокот.Авганистанските претставници велат дека еден цивил бил повреден во нападот во четвртокот.Кабул е под зголемена безбедност во времето на одржувањето на четиридневниот состанок на авганистанските политички и лидерите на племенските заедници, откако талибаните се заканија дека ќе ја нападнат Лоја Џиргата.На средбата којашто официјално започна во средата, главно се дискутира за постојаното присуство на американските странски војници во Авганистан.Во понеделникот, безбедносните сили застрелаа бомбаш-самоубиец пред да го активира експлозивот во близина на местото на одржувањето на Собранието.Минатата година, милитантите го ракетираа огромниот шатор западно од Кабул, каде што се одржуваше сличен собир во кој немаше повредени/крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.