Свет
Клинтон: Вашингтон е охрабрен од реформите во Мианмар
САД се охрабрени од реформите во Мианмар, истакна денеска американската државна секретарка Хилари Клинтон во разговорите со својот домаќин, претседателот на Мианмар Теин Сеин, кој, пак, го поздрави новото поглавје во односите помеѓу двете земји.
САД се охрабрени од реформите во Мианмар, истакна денеска американската државна секретарка Хилари Клинтон во разговорите со својот домаќин, претседателот на Мианмар Теин Сеин, кој, пак, го поздрави новото поглавје во односите помеѓу двете земји.
„Тука сум затоа што претседателот Барак Обама и јас сме охрабрени од мерките кои вие ги преземавте за вашиот народ“, истакна Клинтон во текот на средбата со Тиен Сиен во престолнината Најпидав на вториот ден од нејзината официјална посета на земјата.
Претседателот Сиан, од своја страна, одговори дека нејзината посета „е историска и претставува ново поглавје во односите помеѓу САД и Мианмар“.
Посетата на Хилари Клинтон, прва на американски шеф на дипломатијата по посетата на Џон Фостер Дјулс на тогашна Бурма во 1955 година, се случува осум месеци по реформите и по распуштањето на воената хунта во март годинава, кога власта по повеќе години повторно ја презема цивилна влада.
Во земјата со која од секогаш доминирала армијата, враќањето на цивилната влада овозможи и враќање во политиката на прочуената лидерка на опозицијата во Мианмар, Аунг Сан Суу Кји, која пред една година беше ослободена од домашниот притвор. Минатиот месец новата власт исто така ослободи и уште околу 200 други политички затвореници. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Принцот Вилијам проговори за Кејт Мидлтон: „Жал ми е што не е тука со нас“
При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.
Конечно се врати на обврските откако извесно време беше на пауза поради приватни причини.
Во разговор со член на персоналот, Вилијам накратко ја спомна сопругата Кејт.
„Жал ми е што Кејт не може да биде тука со нас. Таа сакала”, рекол Вилијам.
Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.
По Божиќ се повлече од јавноста, а во јануари имаше операција на абдоменот.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Свет
Русија со најава: Ги преместуваме системите „Искандер“ на границата со Финска
Русија најави дека ќе ги премести ракетните системи способни да носат нуклеарно оружје на границата со Финска. Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.
Русија ја нарече провокативна, одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.
Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.
„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.
„Оперативно изгледа апсурдно да се приближуваат вакви ракетни системи со долг дострел до нашата граница, тие се лесни цели за нас“, додаде тој.