Свет
Избори за руската Дума
Во цела Русија во недела се отворени избирачките места на коишто избирачите ќе се гласаат на парламентарните избори, на коишто повторно се очекува уверлива победа на владејачката Единствена Русија.
Во цела Русија во недела се отворени избирачките места на коишто избирачите ќе се гласаат на парламентарните избори, на коишто повторно се очекува уверлива победа на владејачката Единствена Русија.Први на изборите гласаа жителите на рускито далечен исток, уште во саботата навечер по македонско време, а до неделата рано наутро се отворени избирачките места во сите делови од најголемата земја по светот која е поделена во девет временски зони. Во Русија се регистрирани малку помалку од 110 милиони гласачи коишто гласаат на околу 95 илјади избирачки места. Во недела се избираат 450 пратеници во Државната дума, долниот дом од рускиот парламент, а гласачите можат да гласаат за партиските изборни листи на седум регистрирани партии. На изборите се кандидирани Единствена Русија, на која повторни и’ се предвидува надмоќна победа но не и двотретинско мнозинство во Думата, Комунистичката партија, ултранационалистичката Либерално демократска партија (ЛДПР), Праведна Русија, како и кандидатите на партиите Вистинска Работа, Јаблоко и Патриотите на Русија. Се очекува дека во новиот состав на Думата ќе влезат четири партии коишто беа и во претходниот петти состав – Единствена Русија, Комунистичката партија, ЛДПР и Праведна Русија. Аналитичарите сметаат дека партиите Вистинска Работа, Јаблоко и Патриотите на Русија нема да го достигнат изборниот лимит од седум отсто за влез во думата. Претходните состави на рускиот парламент имаа четиригодишен мандат, но пратениците од последниот го продолжија на пет години „во интерес на стабилноста“.Водечките агенции за истражување на јавното мнение оценуваат дека Единствена Русија на актуелниот премиер, претходен а многу изгледно и иден претседател на Русија, Владимир Путин, иако и натаму ќе го има стабилното мнозинство во парламентот, нема да ги повтори изборите од 2007 година кога освои дури 64,3 отсто од гласовите. Исто така, се наведува дека оваа партија ќе освои малку повеќе од 50 проценти од гласовите, што би значело дека ќе го загуби двотретинското мнозинство во Думата, што е потребно за уставни измени.Странските аналитичари, пак, сметаат дека резултатот до овие избори ќе влијаат врз авторитетот на Путин и неговата можност и натаму да го диктира политиката на земјата. Путин треба да се врати на должноста претседател на државата на претседателските избори идната година, а доколку биде избран, што е многу веројатно, ќе има мандат од шест години и теоретски може да остане на чело на Русија до 2014 година, со два последователни претседателски мандата колку што дозволува уставот. Изборите во Русија ги следат 697 странски набљудувачи, од коишто речиси половина се од Организацијата за безбедност и соработка (ОБСЕ) и од Советот на Европа, и повеќе до 500 домашни набљудувачи, соопшти во неделата претседателот на Централната изборна комисија, Владимир Чуров. За одржување на безбедноста и мирното одвивање на гласањето ангажирани се 331 илјада припадници на министерството за внатрешни работи. Само во главниот град Москва пред и за време на изборите редот ќе го одржуваат 51.500 полицајци и припадниците на внатрешните војски на министерството за внатрешни работи, додека за споредба на изборите за Думата во 2007 година беа ангажирани 20.000 полицајци. Заменикот на началникот на московската полиција, Вјачеслав Козлов изјави дека пред изборите е спроведена превентивна истрага на 159.000 станови, меѓу коишто осум биле на странци и 17.000 на луѓе кои нелегално живеат во Москва. Припадници на полицијата дежураат на сите избирачки места, и тоа не само поради одржувањето на редот и мирот за изборниот процес, туку и поради можното кршење на изборните закони, меѓу кои се недозволеното агитирање или поткупувањето на гласачите, соопшти руската полиција. По изборите, полицајците ќе го обезбедуваат транспортот на избирачкиот материјал.Министерството за внатрешни работи на Русија ги предупреди сите партии и движења, за коишто постојат информации дека планираат да одржат манифестации на денот на изборите, дека тоа не е дозволено доколку претходно не добијат согласност од властите. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.
Свет
Г7: Ќе ја зајакнеме воздушната одбрана на Украина
Земјите-членки на Г7 се решени да ја зајакнат воздушната одбрана на Украина, изјавија денеска нивните министри за надворешни работи кои се собраа на состанокот во Капри.
Седум суперсили – Италија, Канада, Франција, Германија, Јапонија, Велика Британија, САД и ЕУ – силно ја критикуваат руската инвазија на Украина, која трае повеќе од две години.
Сепак, Киев ги предупредува дека мора да ја сменат стратегијата доколку сакаат Украина да издржи се подеструктивни руски воздушни напади. Русија негира дека мета и се цивилите, но смета дека енергетскиот систем на Украина е легитимна цел. Во овие напади беа убиени стотици цивили.
„Г7 ќе ја зајакне воздушната одбрана на Украина за да спаси животи и да ја заштити критичната инфраструктура“, рекоа министрите за надворешни работи, додавајќи дека ќе ја зголемат одбранбената и безбедносната помош за Киев.
„Ние сме решени да продолжиме да обезбедуваме воена, финансиска, политичка, хуманитарна, економска и развојна помош за Украина и нејзиниот народ“, додаваат тие.
Изјавата беше објавена на крајот од тридневниот министерски состанок во Капри, каде главни теми беа Украина и воените конфликти меѓу Израел и Иран.
Свет
Блинкен остро ја обвини Кина
Американскиот државен секретар Ентони Блинкен ја критикуваше поддршката на Кина за руската одбранбена индустрија на италијанскиот остров Капри, велејќи дека Пекинг во моментов е главен снабдувач на Москва со клучни компоненти за оружје за војната во Украина.
Тој рече дека акциите додаваат масло на „најголемата закана за европската безбедност од крајот на Студената војна“.
Говорејќи на прес-конференцијата по повод крајот на состанокот на министрите за надворешни работи на Г7 на италијанскиот остров Капри, Блинкен рече дека Вашингтон многу јасно им ставил до знаење на Пекинг и на другите дека не треба да им помагаат на руските воени напори во Украина.
„Кога станува збор за основите на руската одбранбена индустрија, главниот придонесувач во моментов е Кина. Имаме индикации дека Кина испраќа машински алати, полупроводници и други предмети со двојна употреба за да и помогне на Русија да ги обнови своите одбранбени индустриски залихи“, рече Блинкен.
„Кина не може да ги има и двете. Не може да си го дозволи тоа. Сакате да имате позитивни и пријателски односи со земјите во Европа, а во исто време ја поттикнувате најголемата закана за европската безбедност од крајот на Студената војна“, рече Блинкен.
САД ја предупредуваат Кина да не ги помага воените напори на Москва по руската инвазија на Украина во февруари 2022 година, која дојде само неколку недели откако Русија и Кина прогласија „партнерство без ограничувања“.
Самата германска министерка за надворешни работи Аналена Баербок изрази загриженост за прашањата што ги покрена Блинкен.
„Ако Кина отворено води сè посилно партнерство со Русија, која води нелегална војна против Украина, ние нема да можеме да го прифатиме тоа“, рече Баербок по состанокот со колегите од Г7 во Капри.
Американските власти минатата недела ги информираа новинарите за материјалите што Кина и ги доставува на Русија, вклучувајќи беспилотни летала и ракетна технологија, сателитски снимки и машински алати, кои не се смртоносни оружја, но и помагаат на Русија да ја обнови воената опрема за да ја одржи својата двегодишна војна во Украина.