Свет
Американскиот министер за одбрана со совети за надминување на кризата во ЕУ
Американскиот министер за одбрана Тимоти Гејтнер изјави во средата во Париз дека Европејците успешно ќе се соочат со кризата во еврозоната што позитивно ќе влијае и врз САД
Американскиот министер за одбрана Тимоти Гејтнер изјави во средата во Париз дека Европејците успешно ќе се соочат со кризата во еврозоната што позитивно ќе влијае и врз САД и остатокот од светот, но како што пишуваат агенциите, Вашингтон покажа подготвеност да и’ помогне на ЕУ со совет но не и финансиски.„Нагласив колку за САД и остатокот од светот е важно Европејците да успеат и убеден сум дека ќе успеат“, изјави Тимоти Гејтнер по состанокот во Париз со неговиот француски домаќин министер за одбрана Франсоа Бароен.Пред самитот на Европската унија американскиот министер за одбрана ги обиколува престолнините на земјите членки на еврозоната со порака дека мораат да делуваат, при што во Берлин повика на „создавање фискална унија“, во чија централна улога треба да ја одигра Европската централна банка (ECB).ECB „треба да постави доволно силна противпожарна заштита“ со што ќе се спречи ширењето на должничката криза во еврозоната, ги цитира Reuters зборовите на Гејтнер.Меѓутоа, додека сад можат да ум се обратат на Сојузните резерви (Fed- тамошната централна банка) како последно прибежиште да земат кредит, членките на еврозоната немаат таква можност со ECB, а Германија којашто е најсилното стопанство во регионот, сака така и да остане, пишува Reuters.„Очите на целиот свет се свртени кон Европа“, изјави Гејтнер не ветувајќи ништо друго освен дека САД „ќе продолжат да го поддржуваат конструктивната улога“ на Меѓународниот монетарен фонд (ММФ) во раководењето со кризата.ММФ, инаку, со месеци се обидува да ги зголеми своите извори за да би можел повеќе да интервенира отколку што тоа сега го прави. Извршната директорка на Фондот, Кристин Легард веќе даде оцена дека финансиските средства се „бледи наспроти потребите на земјите погодени од кризата и земјите колатерални жртви на кризата“. Меѓутоа, Вашингтон ја исклучи можноста да ги зголеми своите уплати во ММФ. „Нема разговори за зголемување на американските уплати во ММФ“, изјави американскиот амбасадор во Европската унија, Вилијам Кенард.Сите американски функционери, од претседателот Барак Обама, преку министерот Гејтнер и до првите луѓе на FED, секојдневно ја изразуваат загриженоста за европската криза којашто може да му наштети на американското стопанство. . Меѓутоа, дири и да сакаат, САД не може директно да ја помага Европа како во времето на Маршаловиот план по Втората светска војна. Буџетскиот кусок на САД изнесува околу 100 отсто од БДП-то, изјави Гејтнер во Берлин, потсетувајќи дека „и САД се соочени со многу тешки стопански предизвици“/крај/афп/ро/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.