Свет
Договорот за спас на еврозоната ја подели ЕУ
Засилувањето на фискалната унија за да се сочува еврото доведе до поделба внатре во Унијата, каде што Гермаија и Фрација застанаа на чело на големата група земји кои ќе го прифатат новиот договр и ја оставија Велика Британија изолирана.
Засилувањето на фискалната унија за да се сочува еврото доведе до поделба внатре во Унијата, каде што Гермаија и Фрација застанаа на чело на големата група земји кои ќе го прифатат новиот договр и ја оставија Велика Британија изолирана.
Дваесет итри од вкупно 27 членки на ЕУ се одлучија за поцврста итеграција со посилна буџетска дисциплина внатре во подрачјето на заедничката валута, при што Велика Британија се изјасни дека не може да ги прифати предложените амандмани откако не и’ беа прифатени барањата за отстапки кон Лондон, кој бараше да го има правото на избор дали ќе ги прифаќа или не новите правила.
По десетчасовната расправа, сите 17 членки на еврозоната и шест кои не се во неа, а имаат намера да и’ се придружат на заедничката валута, се одлучија да започнат прегвори за нов меѓудржавен договр кој би бил паралелен со Лисабонскиот, а сé со цел еврозоната додатно да се обезбеди од идни должнички кризи.
Меѓу десетте земји кои не се членки на еврозоната, Велика Британија и Унгарија цврсто му се спротиставија и рекоа „не“ на новиот договр, додека Шведска и Чешка ќе се консултираат со своите парламенти.
„Европа не е поделена. Британците останаа настрана и тие се сега надвор од процесот на офлучување. Европа е единствена“, тврди претседателката на Литванија, Далиа Грибаускаите.
Претседателот на Европската централна банка (ЕЦБ), Марио Драги, одлуката ја оцени како чекор напред кон засилувањето на буџетската дисциплина, која е неопходна доколку земјите од еврозоната сакаат да излезат од кризата посилни, по двегодишниот период на пазарни турбуленции.
Активната поддршка од ЕЦБ ќе биде витална за опстојувањето на еврозоната, бидејќи пазарите не ги прифатија позитивно подлебите во Унијата и можноста преговорите за новиот договор да траат повеќе години.
Германија се залага за договор за засилување на буџетската дисциплина кој би бил обврзувачки за сите потписнички што е, како што сметаат лидерите на оваа земја, единствен начин во иднина да се почитуваат правилата и да се спречат новите аномалии.
„Би сакале да беше постигнат едногласен договор за целата ЕУ, но тоа не беше можно“, прозан претседателот на Европската комисија Хозе Мануел Баросо. Според него, новиот договор „ќе го засили управувањето, веродостојноста и правилата на еврозоната“ што, според него, била нивната цел.
Претседателот на Европскиот совет, Херман ван Ромпуј, од своја страна истакна дека новите правила со време ќе може да станат дел од европското право.
„Меѓувладиниот договор може да биде одобрен и ратификуван многу побргу отколку целокупниот (лисабонски) договор, а мислам дека брзината е многу важна за враќањето на кредибилитетот“, вели тој.
Исто така, беше договорено Европскиот стабилизациски механизам (ЕСМ), кој ќе стапи на сила во јули 2012 година, да биде вреден 500 милијарди евра, што е помлаку отколку што бараа повеќето држави. Одлуката на британскиот премиер Дејвид Камерон да остане надвор од групата на земји кои ги поддржуваат промените, според агенцијата Reuters, може лично да му ја донесе поддршката а евроскептиците, но исто така и да предизвика проблемина британскиот пазар.
Во дипломатските кругови во Брисел, додава агенцијата, се шпекулира дека Британија би можела да го омекне својот став ако заклучи дека изолацијата не е баш одржлив начин на делување.
Инаку, повеќе европски медиуми веќе ја прогласија реалноста на „две Европи“ или „Европа со две брзини“, за што наголемо ја обвинуваат Британија и нејзиното вето. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.