Свет
Во Русија се одржаа првите протести на крајниот исток
Неколку илјади руски граѓани учествувале во саботата наутро на првите протести на крајниот исток од земјата во Сибир, на кои се спротиставија на изборните резултати, но во некои градови полицијата уапсила десетина граѓани под изговор дека не се придржувале до најавата за одвивање на протестите.
Неколку илјади руски граѓани учествувале во саботата наутро на првите протести на крајниот исток од земјата во Сибир, на кои се спротиставија на изборните резултати, но во некои градови полицијата уапсила десетина граѓани под изговор дека не се придржувале до најавата за одвивање на протестите. Петстотини луѓе организирани преку социјалните мрежи се собраа во најголемото руско пристаниште на Пацификот, Владивосток, коешто е седум врменски зони одалечено од престолнината Москва. Тие носеле слогани „Поништете ги изборните резултати“ и „Фалсификаторите во затвор“ .Во Хабаровск, голем град на рускиот далечен исток, според западните медиуми имало собрано неколку стотини противници на владејачката партија Единствена русија на премиерот Владимир Путин, кои биле растерани од полицијата. Руските медиуми, пак јавуваат за 60 демонстранти од кои биле приведени 30-ина Агенцијата РИА Новости известува дека главно протестите биле мирни со најмогу 20-ина приведени. Агенцијата Интерфакс, пак, наведува дека во градот Благовјешченск имало неколку десетици демонстранти, а околу 200-ини излегле на улицата на градот Чита, во источен Сибир. Таму биле приведени две лица.Во сибирскиот град Томск, според АFP која се повикува на опозициски активисти со кои контактирала телефонски, имало 500 демонстранти, додека руските агенции велат дека таа бројка изнесувала 1.500 лица и дека минала без никаков инцидент.Исто така, руските медиуми велат дека бројката демонстранти во градот Челјабинск била околу илјада, што е повеќе отколку што јавуваат опозициските активисти, а во градот Перм биле приведени 14 од неколку стотини демонстранти поради непријавените протести. Во Архангелск, исто така, на протестот учествувале околу 200 лица. Во милионската Москва за сабота претпладне од страна на опозицијата е најавен протест на околу 30 илјади луѓе, додека РИА Новости повикувајќи се на московската полиција пренесува дека во 14,30 часот по локално време (11.30 по македонско) на плоштадот Балотној имало собрано 15 илјади активисти на опозицијата , и уште околу стотина на плоштадот на Револуцијата.Руската опозиција протестира за наводна изборна измама на изборите за државната Дума од 4-ти декември. На нив надмоќно повтроно победи Единствена Русија на Владимир Путин, но со далеку послаб резултат од претходните парламетарни избори губејќи околу 70-ина мандати . Вашингтон, САД во петокот навечер ги повикаа руските власти но и противниците на премиерот Владимир Путин на воздржансот пред одржувањето на протестите со кои противниците на актуелната власт сакаат да го изразат незадоволството и да ги оспорат резултатите од минатонеделното гласање на парлаемнтарните избори. Рускиот премиер Владимир Путин во четвртокот ги обвини САД и особено државната секретарла Хиалри Клинтон која во два наврата изјави дека има неправилности во гласањето, дека го поттикнуваат неоснованото според него оспорување на резултатите од гласањето за државната Дума.Централната изборна комисија (ЦИК) на Русија во петоk навечер ги соопшти официјалните резултати од последните парламентарни избори, според кои Единствена Русија на премиерот Владимир Путин освои 238 пратенички места од вкупно 450.Комунистичката партија е втора со 92 пратеника, Праведна Русија доби 64, а Либерално демократската партија 56. Останатите партии не го поминаа изборниот цензус.Во претходниот парламентарен состав Единствена Русија имаше 315 пратеници, Комунистичката партија е втора со 57 пратеника, Праведна Русија доби 38, а Либерално демократската партија 40./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.