Свет
На Северна Кореја и сметаат новогодишни елки
Северна Кореја го предупреди денеска својот јужен сосед на „неочекувани последици“ доколку одлучи во пограничниот појас да постави големи божикни елки.
Северна Кореја го предупреди денеска својот јужен сосед на „неочекувани последици“ доколку одлучи во пограничниот појас да постави големи божикни елки.
За Пјонјанг тоа би било доказ дека Јужна Кореја води „психолошка војна“ против нејзе.
Сеул се откажа од традиционалното поставување на божикни елки на границата со Северна Кореја во 2003 година, кога дојде со смирување на односите меѓу двете држави.
Бидејќи односите во последно време се „заладија“, Сеул минатата година ја обнови традицијата, а сега отиде и чекор подалеку, па наместо едно, планира поставување на три џиносвки божикни стебла.
Како што пренесува Би Би Си, челичните кули во облик на стебло високи 30 метри ќе бидат поставени на 23. декември во западниот, централниот и источниот дел од границата и таму ќе стојат две недели.
Конструкцијата ќе биде поставена на брдото Егибонг, два километри од граничната линија, а ќе биде осветлена со илјадници светилки.
Како што пренесуваат медиумите, тоа јасно ќе може да се види од севронокорејскиот град Кесонг. Пјонјанг претходно го обвинуваше Сеул дека со поставувањето на божикните елки се обидува да испрати религиозна порака на една секуларна држава./крај/бл/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.