Свет
Канада се повлекува од Протоколот од Кјото
Канада и формално ќе се повлече од Протоколот од Кјото за климатските промени, со што станува првата држава која официјално се повлекува од овој меѓународен договор за борба против глобалното затоплување.
Канада и формално ќе се повлече од Протоколот од Кјото за климатските промени, со што станува првата држава која официјално се повлекува од овој меѓународен договор за борба против глобалното затоплување.
Канадскиот министер за животна околина, Питер Кент, при соопштувањето на одлуката истакна дека протоколот „не нуди напредок за Канада“, а државата ќе биде присилена да плаќа огромни пенали за тоа што не успеала да ги исполни своите обврски.
Со овој потег, кој е легален и кој беше очекуван, канада станува првата држава која се повлекува од протоколот, кој беше усвоен во Кјото, Јапонија во 1997 година.
„За нас Кјото е нешто од минатото и се повикуваме на нашето легално право да се повлечеме од него“, рече Кент и додаде дека за одлуката на неговата земја ќе ги извести и Обединетите нации.
Канадскиот министер појасни дека за да ги исполни своите обврски преземени со протоколот, Канада ќе мора да плати 13,6 милијарди долари.
„Тоа се 1.600 долари на секое канадско семејство – тоа е цената на Кјото за Канаѓаните, тоа е наследството на една неспособна либерална влада“, пресметал Кент.
Тој посочи дека цената и не била пресудна, туку фактот дека и покрај високите цени, емисиите на стакленички гасови ќе продолжат да растат, бидејќи двата најголеми светски загадувачи, Кина и САД, не се опфатени со договорот од Кјото.
„Ние веруваме дека излез од оваа ситуација е нов договор, кој ќе генерира работни места и ќе овозможи економски развој“, заклучи Кент.
Изјавата на канадскиот министер дојде само неколку часа откако на конференцијата за климата во организација на ОН во Дурбан, Јужна Африка, беше постигнат договор во последен миг. Според него, преговорите за новиот обврзувачки договор кој ќе ги вклучува сите држави ќе започнат идната година и ќе завршат најдоцна до 2015 година, а ќе стапат на сила во 2020 година.
„Протоколот од Кјото е документ кој има рок на истекување и многумина го сметаат за пречка на напредокот, но во Дурбан беше покажана добра волја и договорот кој го постигнавме претставува добра база за постигнување на конечен договор до 2015 година“, вели кент и додава дека иако текстот на договор од Дурбан содржи „законски дупки“ за Кина и Индија, тој сепак претставува чекор напред.
Претходната, либерална влада на Канада го потпиша Протоколот од Кјото, но Конзервативната партија на актуелниот премиер Стивен Харпер никогаш не го прифати. Канада уште пред четири години соопшти дека ема намера да ги исполни обврските преземни со протоколот, а годишните количества на емисии на сткленички гасови во оваа земја пораснаа за една третина од 1990 година наваму. /крај/bbc/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Свет
Во Таџикистан се уапсени девет лица поврзани со масакрот во Москва
Таџикистан уапси девет лица осомничени дека се поврзани со масовното пукање во руската концертна сала минатиот петок, како и милитантна исламистичка група која ја презеде одговорноста за нападот, изјави таџикистански безбедносен извор за Ројтерс. Четворицата осомничени напаѓачи зад најсмртоносниот напад во Русија во последните 20 години се државјани на Таџикистан. Тие беа уапсени со уште седум други осомничени, од кои некои исто така потекнуваат од поранешната советска централноазиска земја.
Одборот за државна безбедност на Таџикистан приведе девет лица во градот Вахдат. Осомничените сега се во главниот град Душанбе, рече изворот, но не даде детали. Најмалку 143 лица загинаа во напад на концертна сала во близина на Москва.
Таџикистан, член на безбедносниот блок предводен од Русија и дом на руската воена база, ги собра семејствата на осомничените напаѓачи за да можат да бидат испрашани од руските истражители во Душанбе, изјавија извори за Ројтерс.
Исламска држава ја презеде одговорноста за нападот во концертната сала, а американските официјални лица рекоа дека имаат разузнавачки информации кои укажуваат на тоа дека нападот го извршил авганистанскиот огранок на мрежата, Исламската држава Хорасан (ИСИС-К).
Руските истражители вчера објавија дека пронашле докази дека напаѓачите се поврзани со „украински националисти“. САД веднаш го отфрлија тврдењето како неоснована пропаганда. Киев остро негираше каква било вмешаност во нападот на концертната сала.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.