Свет
Десетици повредени во судирите меѓу демонстрантите и војската во Египет
Повеќе десетици лица се повредени во петокот во главниот египетски град Каиро кога се судрија демонстрантите и припадниците на воените единици кои го обезбедуваат седиштето на владата, каде што противници на привремената влада на Египет кампуваат од крајот на ноември.
Повеќе десетици лица се повредени во петокот во главниот египетски град Каиро кога се судрија демонстрантите и припадниците на воените единици кои го обезбедуваат седиштето на владата, каде што противници на привремената влада на Египет кампуваат од крајот на ноември. Египетската државна агенција Menа јавува повикувајќи се на болнички извори дека во судирите се повредени најмалку 36 демонстранти и 32 припадници на безбедносните сили. Демонстрантите во петокот го опколиле седиштето на владата, по што полицијата се обидел ада ги потисне при што избиле безредијата. Демонстрантите скандирале пароли против Врховниот воен совет на вооружените сили на Египет кое управува со земјата по соборувањето на режимот на поранешниот претседател Хосни Мубарак, во февруари годинава, и против маршалот Хусеин Тантави кој е претседател на Советот, всушност и шеф на египетската држава.Демонстрантите кои од 25-ти ноември се втаборени во близина на централниот каирски плоштад Тахрир пред зградата на владата, повикувале војската да се врати во касарните.Шефот на Врховниот совет, маршалот Хусеин Тантави на 25-ти ноември го назначи Камал ал-Газури, кој беше премиер на Египет во периодот од 1996 до 1999 година и ужива голема популарност и авторитет, на чело на новата влада по масовните протести против Врховниот совет ветувајќи му најшироки овластувања.Приоритет за новата влада ќе биде враќање на безбедноста, економскиот напредок на Египет и отворањето на нови работни места.По падот на режимот на претседателот Хосни Мубарак, во Египет драматично се влошува безбедносната ситуација. Полицијата сé уште не може да се опорави по бранот напади на полициски станици, па дури и на централната зграда на министерството за внатрешни работи. Во моментов, воени единици и’ помагаат на полицијата во одржување на безбедноста во египетските градови.Економија во Египет не заздрави од шокот и по промената на режимот. Според властите, странските инвестиции во земјата речиси се запрени. Туристичкиот сектор забележа загуби од стотици милиони долари, а според некои показатели индустриските капацитети во Египет, работат со само 50 отсто. Притоа, новата египетска влада треба да ги исполни своите социјални обврски кон населението.Од почетокот на годинава, новите египетски власти потрошиле 16 милијарди долари од девизните резерви на земјата кои изнесуваа 36 милијарди долари, коишто биле акумулирани во последните години од владеењето на Мубарак./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.