Свет
Претходницата на арапските набљудувачи пристигна во Сирија
Претходниците на набљудувачите на Арапската лига допатувала во четвртокот во сирискиот главен град Дамаск, пред почетокот на разместувањето на набљудувачките тимови
Претходниците на набљудувачите на Арапската лига допатувала во четвртокот во сирискиот главен град Дамаск, пред почетокот на разместувањето на набљудувачките тимови кој ќе проценат дали сириската власт има сериозни намери да им стави крај на деветмесечните крвави судири на демонстрантите кои бараат оставка од претседателот Башар ал-Асад и безбедносните сили.Пристигнувањето во Дамаск телефонски го потврдил за Reuters Вагиух Ханафи, помошник на генералниот секретар на Арапската лига, Наби Елараби. Претходницата на набљудувачката мисија, којашто ќе ја подготви нејзината активност ка води функционерот на Арапската лига, Самир Сеиф ал-Џазал, а ја сочинуваа 11 лица меѓу кои се финансиски, административни и правни експерти. Во Каиро каде што е сместено седиштето на Арапската лига, во меѓувреме допатувал суданскиот генерал Ахмет Мустафа ал-Даби, кој ќе разговара за неговата улога на предводник на 150-члената набљудувачка мисија која во Сирија треба да биде испратена кон крајот на декември, доколку не се случат некои проблеми во подготовката за нивното испраќање. Генералот Даби, кој беше координатор и во разговорите меѓу суданската влада и меѓународните набљудувачи во Судан, за медиумите на каирскиот аеродром им изјавил дека ќе се состане со генералниот секретар на Арапската лига. Тој додал дека набљудувачите ќе работат „со целосна транспарентност во набљудувањето на ситуацијата во Сирија“, како и дека постојано ќе се одржуваа средби со сите страни, вклучувајќи ја и сириската армија, опозицијата, силите за безбедност и хуманитарните организации. Елараби во вторникот изјави дека арапските набљудувачи ќе бараат слободен пристап во болниците, затворите и други локации и места во Сирија. Сирија се согласи на доаѓање на набљудувачката мисија на Арапската лига, дури откако оваа организација ја суспендираше од членството во неа и и’ наметна санкции.Во понеделникот илјадници приврзаници на сирискиот претседател Башар ал-Асад почнаа да се собираат на централниот плоштад во Дамаск, осудувајќи ги санкциите кои врз Сирија ги наметна Арапската лига.Москва и Кина, постојани членки на советот за безбедност на Обединетите нации, досега се противеа на нацрт резолуцијата на западните земји со која на Сирија и’ се закануваа со санкции доколку не го прекине крвавото задушување на протестите во кои според ОН во деветте месец откако започнаа загинале најмалку 5.000 луѓе. Минатиот четврток Русија неочекувано претстави своја верзија од нацрт-резолуција со којашто досега Москва најостро ги осудува насилствата во Сирија, за кои како што се вели во предлогот „одговорни се двете страни“, а во понеделникот овој предлог го поддржа и Кина.Според податоците на Обединетите нации, досега од март годинава во безредијата во Сирија меѓу приврзаниците на опозицијата којашто бара неодложно заминување од власта на претседателот Башар ал-Асад и безбедносните сили, загинале повеќе од 5.000 луѓе, над 14 илјади биле затворени а околу 12.500 се раселени пред насилството во соседните држави. Сириската власти, пак, тврдат дека станува збор за повеќе 1.600 загинати од двете страни, од кои повеќе од 1.200 се припадници на безбедносните служби кои се цел на „терористички групи уфрлени од надвор“.Бунтот во Сирија започна во средината на март, откако во пограничниот град со Јордан, Дера’a беше уапсена група ученици кои испишувале анти-владини слогани по ѕидовите. Жителите на градот масовно излегоа на улиците барајќи ослободување на момчињата. Подоцна протести се одржаа и во неколку други региони на земјата, особено во градовите Латакија, Баниас, Хомс, Хама и во некои предградија од главниот град Дамаск.Асад се обиде да ги смири демонстрантите, укинувајќи ја 50-годишната вонредна состојба, но апсењата без налог продолжија и покрај укинувањето на таквиот закон. Протестите во Сирија продолжија и покрај тоа што сириските власти објавија план за реформи, меѓу кои беше и укинувањето на воената состојба од страна на претседателот Башар ел-Асад, воведена во 1963 г.На почетокот од август претседателот ал-Асад донесе акт за воспоставување повеќепартиски политички систем во земјата. Со овој акт се дозволува формирање политички партии коишто ќе делуваат заедно со партијата Баат, која на власт се наоѓа од 1963 година, со уставен статус „лидер на државата и општеството“. Овој декрет тогаш беше донесен само неколку часови откако Советот за безбедност на Обединетите нации го засили притисокот врз сириските власти, осудувајќи го режимот на Асад поради „кршење на човековите права и употреба на сила врз цивили“/крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.