Свет
Бројoт на жртви од бомбашките напади во Багдад се искачи на 63 лица
Бројката загинати во серијата бомбашки напади што го потресоа во четвртокот наутро ирачкиот главен град Багдад се зголеми на 65, додека бројот повредени изнесува над 170, јавуваат агенциите повикувајќи се на владини и болнички извори.
Бројката загинати во серијата бомбашки напади што го потресоа во четвртокот наутро ирачкиот главен град Багдад се зголеми на 65, додека бројот повредени изнесува над 170, јавуваат агенциите повикувајќи се на владини и болнички извори. Претходно беше јавено дека во серијата од најмалку 14 експлозии во девет населби на Багдад има 57 мртви и 176 повредени. Дел од експлозиите биле синхронизирани на истите места и експлозивот повторно детониран кога луѓето притрчувале да им пружат помош на жртвите. Нападите беа извршени во квартовите Алави, Баб Ал-Муата и Карада во централниот дел на Багдад, во Адамија, Шула и Шааб населби во северниот дел, Џадриах во источниот дел, Газалија во западниот и населбите Амал и Дура во јужниот дел од ирачката престолнина.Полицијата верува дека серијата бомбашки напади во ирачкиот главен град е координиран напад изведен од терористите. Станува збор за прв поголем бомбашки напад во Ирак по официјалното повлекување на американските сили на 18-ти декември, од земјата во која последната година има големи политички тензии.Ирачките власти во понеделникот издадоа налог за апсење против заменикот претседател Тарик ал-Хашеми, кој го исповеда сунитскиот ислам, поради сомневање дека е поврзан со терористички групи, а на државната телевизија беше објавено дека неговите тројца телохранители признале оти планирале и изведувале атентати и дека ги финансирал и поддржувал заменикот претседател.Ал-Хашеми ги отфрли обвиненијата против него како фабрикувани клевети и дел од интригите на премиерот Нури ал-Малики, и изрази подготвеност да излезе пред судот во автономната ирачка покраина Курдистан, каде отпатува по издавањето на налогот за негово апсење.Сунитската коалиција Ал-Иракија, која победи на парламентарните избори во 2010 година, има 82 од 325 мандати во ирачкиот парламент, издаде соопштение во саботата, велејќи дека „од саботата тоа претставува суспендирање на нејзиното учество во парламентот и повик за отворање на тркалезна маса за да се најде решение што ќе оди во полза на демократијата и граѓанските институции“.Блокот го обвинува премиерот Малики дека го „монополизира донесувањето на сите одлуки“.Во средата, ирачкиот премиер Нури ал-Малики предупреди дека ќе назначи нови министри, доколку актуелните од Ал-Иракија не присуствуваат на седниците на владиниот кабинет. Ирачкиот премиер, исто така, ги повика сите политички групи во земјата да помогнат во решавањето на кризата во земјата.Ал-Иракија претставува политичка коалиција составена од Партијата за обнова на Хашими, Ирачката национална листа предводена од поранешниот премиер Ијад Алави и Ирачкиот фронт за национален дијалог предводен од Салех ал-МултагОдносите меѓу шиитите и сунитите станаа многу тензични по соборувањето на режимот на претседателот Садам Хусеин и инвазијата на меѓународните сили предводени од САД во 2003 година. Припадници на двете исламски верски групации често се мета на напади од нивните релиогиозни неистомисленици.Според пописот 1997 година, 66 отсто од населението на Ирак се сунитски муслимани, а 34 проценти се шиити. Премиерот Нури ал-Малики и’ припаѓа на , шиитската заедница, додека неговиот Мултаг и потпретседател Ал-Хашими го исповедаат сунитскиот ислам./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.