Свет
Во Авганистан убиени двајца странски војници
Маж облечен во униформа на авганистанската армија убил два припадника на странските сили во источниот дел на Авганистан, соопшти командата на НАТО во Кабул.
Маж облечен во униформа на авганистанската армија убил два припадника на странските сили во источниот дел на Авганистан, соопшти командата на НАТО во Кабул.Штабот на предводената од НАТО мисија на Меѓународните безбедносни сили за помош (ИСАФ) соопшти дека напаѓачот кој бил облечен во униформата на Авганистанската национална армија во четвртокот го свртел оружјето кон двајца странски војници во источниот дел на Авганистан, при што ги усмртил на самото место.ИСАФ отвори истрага за инцидентот, се додава во соопштението, без да дадат детали за точната локација на инцидентот или националноста на жртвите.Инцидентот е најнов во серијата напади од страна на припадниците на авганистанските безбедносни сили кон странските војници.Минатата седмица, авганистански војник отвори оган врз американските војници во тренинг базата во областа Пушт-Род во западната провинција Фарах, при што загинаа двајца американски војници, а беа повредени пет други.Во сличен инцидент во ноември, војник на авганистанската армија рани тројца австралиски војници во јужната провинција Урузган.Во април, пилот на на авганистанската армија отвори оган врз припадниците на меѓународните сили на аеродромот во близина на престолнината Кабул, убивајќи осум странски војници.САД и челниците на НАТО ја назначија 2014 година како датум кога ќе ја предадат безбедноста во рацете на локалните власти во Авганистан.Според интернет страницата специјализирана за регистрирање на жртвите од војните во Ирак и во Авганистан, досега во 2011 година во разни инциденти и борби со авганистанските бунтовници загинале 563 странски војници, од кои 413 се американски, 45 се британски и 105 се припадници на другите национални контигенти во рамките на мисијата ИСАФ. Со тоа годинава стана втора според смртноста во периодот од 2001 година откако беше извршена инвазијата на сојузничките сили со кои беше соборен талибанскиот режим во Кабул. Најсмртоносна е минатата 2010 година со 711 жртви, а досега втора по смртноста беше 2009 година со 521 загинат странски војник, речиси двојно повеќе од претходната 2008 година со 295 убиени војници којашто дотогаш беше најсмртоносната./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Свет
Принцот Вилијам проговори за Кејт Мидлтон: „Жал ми е што не е тука со нас“
При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.
Конечно се врати на обврските откако извесно време беше на пауза поради приватни причини.
Во разговор со член на персоналот, Вилијам накратко ја спомна сопругата Кејт.
„Жал ми е што Кејт не може да биде тука со нас. Таа сакала”, рекол Вилијам.
Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.
По Божиќ се повлече од јавноста, а во јануари имаше операција на абдоменот.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.