Свет
Петмина загинати во судирите меѓу полицијата и кинески муслимани
Во судирите коишто избиле меѓу муслиманските демонстранти кои протестираат против уривање на џамија, и полицијата во село во северозападниот дел од Кина загинале најмалку пет лица, пренесува во вторникот Reuters повикувајќи се на локалните медиуми и изјави на очевидци.
Во судирите коишто избиле меѓу муслиманските демонстранти кои протестираат против уривање на џамија, и полицијата во село во северозападниот дел од Кина загинале најмалку пет лица, пренесува во вторникот Reuters повикувајќи се на локалните медиуми и изјави на очевидци.Протестите во автономниот регион Внатрешна Монголија почнаа откако властите во регионот, соопштија дека неодамна изградената џамија е подигната нелегално и ќе биде урната. Во протестите и немирите учествуваат припадници на кинеската етничка заедница Хуи.При растерувањето на демонстрантите, полицијата употребила солзавец, бајонети и палки, наведуваат соговорници на агенцијата.Исто така, очевидци изјавија за агенцијата дека телефонските комуникации со селото Таошан, каде што се случија немирите, се прекинати, и оттаму е тешко да се дознае што точно се случува таму.Според агенцијата, полицијата ја потврдила причината за немири во регионот, но не открива други детали.Судирите меѓу полицијата и стотици припадници на главно муслиманската етничка група Хуи избувнаа во петокот во регионот Нинксиа, на самата граница од автономната покраина Внатрешна Монголија, пишува South China Morning Post.Локалниот жител, Џин Хаитао, изјавил дека селаните верува оти меѓу убиените се две постари жена, еден млад човек и две лица од околните области. „Тие само се обидуваа да одржат религиозна активност, но властите не го дозволија тоа. Тие ја демолираа џамијата и сега таму ја чуваат областа, бидејќи се пролеа многу крв“, вели Џин.Во Кина и во минатото се случуваа спорадични судири меѓу полицијата и муслиманските малцинства, особено туркофонските Ујгури од западниот регион Ксинџијанг.Во Кина живеат околу 10 милиони припадници на народот Хуи, што ги прави најголемата муслиманска заедница во земјата. Во многу делови од Кина, припадниците на Хуи се измешани со припадниците на доминантна заедница Хан којашто припаѓа на кинеската култура, а повеќето го имаат напуштено исламот освен за некои традиции, како што е обрежувањето на машките деца и избегнување на свинското месо.Но етничките тензии доведоа до неколи поголеми безредија. Најмалку седум лица загинаа во централната провинција Хенан во 2004 година, по сообраќајна несреќа во којашто беа инволвирани етнички Кинези и припадници на заедницата Хуи по којашто беа предизвикани масовни безредија.Во 1993 година, карикатура којашто ги исмева муслиманите доведе до безредија во кои кинеската полицијата изврши препад и ја зазема џамијата којашто ја посетуваа припадниците на народот Хуи во северозападниот дел на Кина.Ујгурите во Ксинџијанг во 2009 година се судрија со припадниците на кинеската заедница Хан, при што според официјалните процени загинаа најмалку 197 лица.Владејачката Кинеска комунистичката партија вели дека ја почитува слободата на изразувањето на религиозната припадност, но притоа има цврста контрола врз одржувањето на верските активности и овозможува функционирање само на официјално признатите верски институции./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.