Свет
Полицијата застрела осмооделенец во Тексас
Полицијата која пристигнала на повик во средното училиште Cummings Middle School во градот Браунсвил во американската сојузна држава Тексас, застрелала 15-годишно момче, кое починало во болница, пренесуваат агенциите повикувајќи на локалниот весник The Brownsville Herald.
Полицијата која пристигнала на повик во средното училиште Cummings Middle School во градот Браунсвил во американската сојузна држава Тексас, застрелала 15-годишно момче, кое починало во болница, пренесуваат агенциите повикувајќи на локалниот весник The Brownsville Herald.Информацијата за весникот ја потврдил претставникот на одделот на локалните власти за заштита на правдата и јавниот ред и мир, судијата Џонсон Хоџ, кој наредил да се изврши обдукција на телото на починатото момче.Властите, исто така, отвориле истрага за околностите во кои дошло до несреќата и оправданоста и за полициското дејствување. Притоа дополнително е приведен еден ученик поради сослушување.Инцидентот се случил во средата наутро по локално време, кога според претставникот на локалната полиција Џ.Џ. Тревино, полицијата добила известување дека во училиштето се наоѓа вооружено лице, пишува Associated Press.Пo пристигнување на повикoт, полициските службеници во ходникот забележале млад човек кој им станал сомнителен и отвориле оган. Притоа бил застрелан 15-годишниот ученик од осмо одделение.Момчето било веднаш пренесено во болницата во Браунсвил, каде што починало од здобиените повреди. Неговиот идентитет не се открива. Според Тревино, училишниот администратор очигледно забележал дека ученикот носел пиштол и го повикал одделот на полицијата задолжен за безбедноста на училиштата. Тој додава дека истрагата засега не утврдила дали ученикот отворил оган, како и дека нема информации зашто момчето имало оружје кај себе„Сето тоа уште е предмет на истрагата, на кој начин тоа дошло до оружјето, дали тоа претходно се сретнало со некого или, пак, во прашање е нешто друго“, вели Тревино.. Во инцидентот немало други повредени меѓу учениците, кои веднаш биле пренесени во друго средно училиште во градот каде нивните родители добиваат инструкции од стручни лица пред да ги земат.Во САД постои големо стравување од повторување на насилството во основните и средните образовни институции. Со тажен рекорд за бројот на загинатите е трагедијата во училиштето во градот Колумбина, сојузната држава Колорадо, каде што во април 1999 година од рацете на двајца тинејџери загинаа 12 нивни соученици и еден наставник. Убијците, исто така, се самоубија./крај/бх/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.