Свет
Почина советскиот шпион Вартанјан
Еден од најпознатите советски шпиони Геворк Вартанјан, познат под оперативното име Амир, починал ноќта кон средата во Москва на 88-годишна возраст по тешка болест, соопшти во средата руската Надворешна разузнавачка служба (СВР).
Еден од најпознатите советски шпиони Геворк Вартанјан, познат под оперативното име Амир, починал ноќта кон средата во Москва на 88-годишна возраст по тешка болест, соопшти во средата руската Надворешна разузнавачка служба (СВР). „Почина на 10-ти јануари 2012“, стои во информацијата објавена на официјалната интернет страница, пренесува РИА Новости. Според овој извор на кој се повикува агенцијата, Вартанјан починал во болница во Москва. Во телеграмата со сочувство до семејството, рускиот претседател Дмитриј Медведев го нарече Вартанјан „легендарниот таен агент, вистински патриот, брилијантна и посебна личност“, наведува Кремљ. Геворк Вартанјан остана запаметен по тоа што во 1943 година како 19-годишник, благодарение на податоците коишто ги собрал, открил група германски агенти во Техеран коишто нацистичкиот водач Адолф Хитлер ги испратил да извршат атентат врз советскиот водач Јосиф Висарионович Сталин, американскиот претседател Теодор Рузвелт и британскиот премиер Винстон Черчил во текот на сојузничката конференција во Техеран. Вартанјан на Техернаската конференција на којашто се утврдувала конечната стратегија за војната против нацистичка Германија и нејзините сојузници, бил член на обезбедувањето на тројцата лидери на светските велесили.Како што наведува СВР, Вартанјан „својата судбина ја врза за советската разузнавачка служба“ и голем дел од неговиот живот е обележан со ознаката „строго доверливо“, а во шпионажата уште на 16 години го вовел неговиот татко Андреј, кој бил ирански државјанин.Вартанјан е роден на 17-ти февруари 1924 година во Ростов на Дон, но на шестгодишна возраст во 1930 година се преселил во Иран, каде што неговиот татко исто така советски агент бил на служба, каде го дочекал почетокот на Втората светска војна делувајќи под лажно име Амир. Jа минал британската разузнавачка школа, а по војната се вратил во Советскиот сојуз и работел како шпион на поранешната злогласна КГБ во различни операции на Далечниот и Блискиот исток, како и на Запад и никогаш не бил откриен. Вартанјан речиси три децении работел во многу земји, заедно со неговата сопруга Гоар, исто така, советски шпион.Бил пензиониран во чинот полковник, а во 1984 година бил одликуван со орден за Народен херој на Советскиот сојуз, а добитник е и на многу признанија.Продолжи да работи и кога заминал во пензија, пред се на обучување на млади кадри, а неговото име стана познато дури во 2000 година кога на неговите мисии беше симната ознаката тајност./крај/рн/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.