Свет
Двајца потомци на келнер од „Титаник“ меѓу патниците на „Конкордија“
Двајца лондончани, потомци на момче кое на почетокот од дваесеттиот век работело на легендарниот „Титаник“ како келнер и се удавило во неговото тонење, биле меѓу патниците на брод „Коста Конкордија“, кој доживеа хаварија ноќта на 14-ти јануари
Двајца лондончани, потомци на момче кое на почетокот од дваесеттиот век работело на легендарниот „Титаник“ како келнер и се удавило во неговото тонење, биле меѓу патниците на брод „Коста Конкордија“, кој доживеа хаварија ноќта на 14-ти јануари, во Тиренското Море во близина на островот Џиљо, крај крајбрежјето на италијанскиот регион Тоскана.Како што пишува во вторникот италијанската новинска агенција Ansa, 30-годишната Валентина Капуано од јужниот италијански град Авелино, во регионот Кампања, ја преживеала несреќата на италијанскиот луксузен туристички крстосувач заедно со нејзиното момче, неговиот брат и неговата девојка.Валентина и нејзиниот брат се правнуци на емигрант во Лондон кој се викал Џовани, којшто на 25-годишна возраст пред сто години добил работа како келнер на во тоа време најголемиот патнички брод на светот – „Титаник“, а загинал на 14-ти април 1912 година, заедно со повеќе од 1.500 патници и членови на екипажот на бродот кој во тоа време се сметал за најсовременото достигнување на бродоградежништвото. За разлика од нивниот несреќен предок, тие успеаја навреме да го напуштат бродот „Коста Конкордија“ и да ја избегнат судбината на роднина. Сепак, спомените на баба им за несреќната судбина на Џовани, веднаш го заживеле сеќавањета на братот и сестрата, пишува агенцијата.На бродот „Коста Конкордија“ во моментот на несреќата се наоѓале 4.200 патници и членови на екипажот. Досега е потврдена смртта на 11 лица а како исчезнати се водат 24 лица. Бродот налета на подводен грбен и три дена со десната страна е потонат речиси три четвртини во морето близу островот Џиљо.Речиси точно пред сто години, „Титаник“ потона за два часа и 40 минути по судирот со санта мраз./крај/ан/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Земјотрес во Турција со јачина од 5,6 степени според Рихтеровата скала
Земјотрес со јачина од 5,6 степени според Рихтеровата скала попладнево ја погоди централна Турција, соопшти државната агенција за справување со катастрофи. Веднаш не беше соопштено дали земјотресот предизвикал жртви или материјална штета.
Според Дирекцијата за управување со катастрофи и вонредни ситуации, земјотресот се случил во градот Сулусарај, во провинцијата Токат, на околу 450 километри источно од главниот град Анкара.
Според телевизијата Хабер Турк, земјотресот бил почувствуван во соседните провинции. Земјотресите во Турција се чести бидејќи земјата лежи на активни раседи.
Разорен земјотрес со јачина од 7,8 степени според Рихтер ја погоди минатата година
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.
Свет
СЗО: Зголемен е ризикот од птичји грип да премине кај луѓето, многу сме загрижени
Светската здравствена организација изрази загриженост поради ширењето на птичјиот грип Х5Н1, кој има „исклучително висока“ стапка на смртност кај луѓето. Избувнувањето што започна во 2020 година досега уби десетици милиони живина, а неодамнешното ширење на вирусот кај неколку видови цицачи, вклучително и домашни говеда во САД, го зголеми ризикот од пренесување на луѓето, соопшти СЗО.
„Мислам дека ова останува огромен проблем“, им рече на новинарите во Женева главниот научник на агенцијата за здравство на ОН Џереми Фарар. Минатиот месец на листата на заразени видови се приклучија и кравите и козите, што е неочекуван развој за експертите бидејќи се сметаше дека тие не се подложни на овој тип на грип.
Американските власти овој месец објавија дека едно лице во Тексас се опоравува од птичји грип по изложување на говеда, при што 16 јата во шест држави се заразени по изложување на диви птици.
Засега нема докази дека Х5Н1 се шири меѓу луѓето. Но, во стотиците случаи кога луѓето биле заразени од контакт со животни во изминатите 20 години, „стапката на смртност е исклучително висока“, рече Фарар, бидејќи луѓето немаат природен имунитет на вирусот.
Од 2003 до 2024 година, ширум светот се пријавени 889 случаи и 463 смртни случаи предизвикани од Х5Н1 во 23 земји, стапка на смртност од 52%.