Свет
Гувернерот на Тексас, Пери ќе објави повлекување од трката за републиканска номинација
Гувернерот на сојузната американската држава Тексас, Рик Пери, во четвртокот ќе објави дека се повлекува од предизборната кампања и ќе им препорача на своите поддржувачи да го гласаат за екс-спикерот на Домот на претставниците, Њутн Гингрич, пишува во четвртокот порталот Politico
Гувернерот на сојузната американската држава Тексас, Рик Пери, во четвртокот ќе објави дека се повлекува од предизборната кампања и ќе им препорача на своите поддржувачи да го гласаат за екс-спикерот на Домот на претставниците, Њутн Гингрич, пишува во четвртокот порталот Politico, повикувајќи се на сопствени извори.
„Пери ќе објави запирање на својата кампања. Тој тоа ќе го соопшти во 11 часот по локално време (17 часот по македонско време), во Јужна Каролина. Гувернерот ќе изјави дека на претстојните избори го поддржува Гингрич“, пишува порталот.
Во сабота, 21-ви јануари, во сојузната држава Јужна Каролина треба да се одржат прелиминарни избори за номинација за претседателски кандидат на американските републиканци.
Пери ја повлекува својата кандидатура во контекстот на неуспешната предизборна кампања. За време на гласањето по средбата со гласачите во државата Ајова, гувернерот стана само петтиот меѓу републиканските кандидати, освојувајќи 10 отсто од гласовите, на гласањето во државата Њу Хемпшир тој беше поддржан од само 0,7 отсто од избирачите. Според анкетите, на изборите во Јужна Каролина, тој може да очекува не повеќе од 5 отсто од гласовите и петтото место. Рик Пери, од американските медиуми е наречен преценет кандидат, и од почетокот на јануари тие го предвидуваат неговото откажување од кампањата.
Претходно во јануари, крај на својата кампања објавија и конгресменка од сојузната држава Минесота, Мишел Бакман и поранешниот гувернер на државата Јута, Џон Хантсман, кој својата поддршка му ја даде на Мит Ромни.
Претседателските избори во САД ќе се одржат на 6-ти ноември 2012 година, а актуелниот претседател од редовите на демократите Барак Обама, ќе оди на реизбор./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.