Свет
Економските челници бараат зачувување на растот и социјално одговорна фискална консолидација
Програмите за фискалната консолидација би требало да се применуваат на „социјално одговорен начин“ за да се поттикне вработувањето и растот, заклучуваат лидерите.
Економски раст, работни места и протекционизмот се најголемите извори на загриженоста на почетокот од 2012 година, предупредија челниците на меѓународните организации во петокот во заедничкиот апел на почетокот од расправата во Давос.Како потписници на документот наречен „Апел за итна aкција“, меѓу другите се јавуваат и првите луѓе на Светската банка (СБ), Меѓународниот монетарен фонд (ММФ) и Светската трговска организација (СТО), Роберт Зелик, Кристин Лагар и Паскал Лами. Воедно тие ја сочинуваат и ткн Група за глобални прашања на Светскиот економски форум (WEF) во швајцарскиот град Давос, каде што идната седмица ќе започне редовното годишно собирање на светските политички и економски лидери. „Светската економија се соочува со сериозни предизвици“, се констатира во документот на споменатите челници, коишто притоа предупредуваат дека мерките за штедење коишто ги проведуваат владите ширум светот не смеат да го задушуваат, туку да го поттикнуваат растот. Во краткорочната перспектива, челниците би требало да ги отстранат препреките за слободната трговија, да обезбедат капитал за банкарскиот систем и да се концентрираат на проблемот на невработеноста меѓу младите и оние коишто веќе долго време се без работа. Програмите за фискалната консолидација би требало да се применуваат на „социјално одговорен начин“ за да се поттикне вработувањето и растот, заклучуваат лидерите. Тие воедно во спомнатиот документ изразуваат поддршка за мерките до коишто Европската централна банка настојува да го обезбеди финансирањето на банките и нивната ликвидност, како и предлозите за зголемување на кредиторските капацитети на европскиот кризен фонд. Во долгорочната перспектива, пак, како што се наведува во текстот од Апелот, светските лидери мораат да пронајдат нови извори за растот и да ги реформираат пазарите на трудот за да се поттикне вработувањето, да се намали нееднаквоста во општествата и да се стави темелот на еколошки одржливиот раст.„Се поголемата нееднаквост бара засилено разгледување на моделот на раст кој вклучува широки слоеви од општеството. Мораме да оствариме чувствителни подобрувања на животниот стандард и поголема општествен кохезија“, се истакнува во Апелот што го пренесува Reuters, при што воедно се предупредува дека ова соопштение не ги одразува нужно ставовите на организациите што ги претставуваат. Покрај Зелик, Лагар и Лами, Апелот го потпишале и претседателот на Комисијата за финансиска стабилност, Марк Канрнеј, челничката на Светската здравствена организација, Маргарет Чан, генералниот секретар на Организацијата за економска соработка и развој (OECD), Анхел Гуриа и челниците на Меѓународната организација на трудот (ILO), на Светската програм аза храна и на уште три регионални развојни банки./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД презедоа нови чекори за да се осигураат дека американската технологија за оружје нема да заврши во Русија
„САД побараа од американските компании да престанат да доставуваат стоки на повеќе од 600 субјекти во странство поради стравувањата дека нивните производи би можеле да бидат пренасочени во Русија и да се користат во инвазијата на Украина“, изјави вчера американски функционер.
Американското Министерство за трговија издаде писмени предупредувања до најмалку 20 компании во последните недели, што е последен обид да се запрат руските воени напори во Украина, изјави претставник на Министерството за трговија.
Имено, овие компании произведуваат и продаваат компоненти пронајдени во проектили и дронови на украинска територија.
Откако Русија ја нападна Украина во 2022 година, САД и повеќе од 30 други земји воведоа серија санкции со цел да ги ослабат руските борбени способности за да го спречат пристапот до западната технологија. Сепак, американските компоненти сè уште се наоѓаат во руското оружје оставено на бојното поле во Украина, забележува Ројтерс.
„Во последните неколку недели испративме писма на адресите на повеќе од 20 американски компании, а секоја содржи список со повеќе од 600 странски субјекти“, рече помошникот државен секретар Метју Акселрод на годишната конференција за контрола на извозот.
„Во нашите писма баравме американските компании доброволно да престанат да снабдуваат стоки за овие земји поради високиот ризик од нивно пренасочување кон Русија“, истакна Акселрод.
Акселрод рече дека одредени американски претставници, исто така, директно контактирале со лидерите на американските компании за да разговараат за понатамошните чекори што може да се преземат за да се спречи нивните производи да завршат во Русија.
Регион
Почна нова детална потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.