Свет
Техеран: Иран ќе најде други извозници на својата нафта
Иранските власти ги нарекоа новите санкции наметнати од Европската унија за извозот за неговата нафта „психолошка војна“, тврдејќи истовремено дека ембаргото нема да ја спречи земјата да ги заштитат своите интереси.
Иранските власти ги нарекоа новите санкции наметнати од Европската унија за извозот за неговата нафта „психолошка војна“, тврдејќи истовремено дека ембаргото нема да ја спречи земјата да ги заштитат своите интереси.Ова го изјави на прес-конференција во Техеран, Рамин Мехманпараст, портпарол на иранското министерство за надворешни работи, пренесува Reuters..Претходно во понеделникот, шефовите на дипломатиите на 27-те членки на ЕУ на состанокот во Брисел донесоа одлука за воведување ембарго на извозот на нафта од Иран. Како што беше соопштено, причината за воведување на новите санкции против Иран е што властите во Техеран, според мислењето на Европската унија, сé уште не сакаат да соработуваат со меѓународната заедница по прашањата поврзани со развојот на неговата контроверзна нуклеарна програма.„Санкциите на Европската унија за иранската нафта претставуваат психолошка војна. Наметнувањето економски санкции е нелогично и нечесно (дејствие), но тоа не ја спречува нашата земја да ги остварува своите права“, го цитира агенцијата Мехманпараст.„Европските земји и оние (земји) кои се наоѓаат под притисокот на САД, мора да размислуваат за своте сопствени интереси. Секоја земја којашто е лишена од иранскиот енергетски пазар, наскоро ќе увиди дека ќе биде заменета со друга (земја)“, изјавил портпаролот на министерството за надворешни работи на Исламската Република.САД и другите западни земји се сомневаат дека Иран работи на развивање нуклеарно оружје под маската на неговата мирновременска прогрма за развој на нуклеарната енергија. Техеран, пак, ги негира обвиненијата, истакнувајќи дека неговата нуклеарна програма е со цел да ги задоволи сопствените потреби од електрична енергија, како и во медицински цели.Инаку досега во врска со спорната нуклеарна програма, на сила се четири резолуции донесени од страна на Советот за безбедност на Обединетите нации, за наметнување санкции врз Иран, и тоа 1737, 1747, 1803 и резолуцијата 1929./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.