Свет
Ромни најпосле ги објави даночните документи
Под сé поголемиот притисок од своите ривали, еден од водечките кандидати за републиканската номинација на претстојните американски претседателски избори, Мит Ромни, во вторникот најпосле го објави своите даночни документи
Под сé поголемиот притисок од своите ривали, еден од водечките кандидати за републиканската номинација на претстојните американски претседателски избори, Мит Ромни, во вторникот најпосле го објави своите даночни документи кои го потврдуваат неговиот статус на мултимилионер, пишува The Washington Post.Републиканецот Мит Ромни, којшто своето богатство го стекнал извршувајќи ја челната функција во еден инвестициски фонд, пријавил 21,7 милиони долари приход за 2010 година и 20,9 милиони приход за 2011 година, пишува вашингтонскиот дневен весник на кого Ромни му ги испратил своите даночни документи. Во наведените две години Ромни и неговата сопруга Ен донирале седум милиони долари во добротворни цели, главно на Мормонската црква и платиле 6,2 милиони долари сојузен данок.Според американските закони, капиталната добивка се оданочува со стапка од 15 отсто, што е многу помалку од даночната стапка на приход којашто изнесува 35 отсто. Богатството на Мит Ромни е проценето на 250 милиони долари, а фактот што го стекнал преки инвестицискиот фонд „Bain Capital“ би можел за него да претставува отежнувачки елемент во предизборите, имајќи ја тешката економска криза каква што во САД немало од 1930-те, коментира агенцијата AFP.И дел од републиканците и демократите го обвинуваат Ромни дека во времето кога ја основал „Bain Capital“, во периодот од 1984 до 1999 година, се збогатил врз грбот на компаниите кои оделе во стечај, поради што илјадници американци останале без работа. Неговите критичари тврдат дека како сооснивач на огранокот на советничката компанија „Bain & Co“ од Бостон, „Bain Capital“ ги „ограбувал“ компаниите коишто ги преземал, настојувајќи од нив да извлече што поголема добивка. Но Ромни ги брани потезите на „Bain Capital“, објаснувајќи дека вложил во повеќе од стотина разни бизниси, и дека компанијата отворила 10 илјади работни места. „Доколку луѓето сакаат да добијат политичар кој разбира на кој начин функционира економијата, а јас директно работев во стопанството, јас сум вистинскиот човек за тоа и на најдобар начин можам да му парирам на Барак Обама“, изјави неодамна Ромни на еден од дуелите со неговите партиски противкандидати.Мит Ромни,поранешен гувернер на сојузната американска држава Масачусетс, победи на партиските предизбори во Њу Хемпшир, но во Јужна Каролина ба 21-ви јануари беше поразен од Њут Гингрич и го презема водството според бројот на делегатите за републиканската конвенција.Следните републикански предизбори ќе се одржат на 31-ви јануари на Флорида.Последните денови ривалите на Ромни во борбата за републиканската претседателска номинација често го повикаа да ја објави својата даночна карта и да не ги крие своите финансии. Фактот дека данокот Ромни го плаќал по значително помала стапка отколку поголемиот дел од другите богатите Американци го нагласува неговиот статус на мултимилионерски финансиер, што според некои аналитичари, би можело да му наштети во натамошниот тек од кампањата./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.