Свет
САД работат на супермоќна бомба за иранските бункери
Пентагон ги засилува напорите да создаде бомба која ќе може да ги уништи најтешко утврдените подземни постројки на Иран, објави во сабота весникот Wall Street Journal, повикувајќи се на анонимни функционери.
Пентагон ги засилува напорите да создаде бомба која ќе може да ги уништи најтешко утврдените подземни постројки на Иран, објави во сабота весникот Wall Street Journal, повикувајќи се на анонимни функционери.
„Бомбата од 13,600 килограми, „уништувач на бункери“, позната како „масивна воена опрема за пробивање“ (Massive Ordnance Penetrator, МОП) е со специфичен дизајн, предвиден да може да ги уништи силноутврдените фортификации изградени од Иран и од Северна Кореа со цел да ги скријат своите нуклеарни програни“, пишува весникот.
Но, првичните тестови покажале дека бомбата, онака како што е сега конфигурирана, нема да може да уништи некои од иранските постројки, или поради длабочината на која се наоѓаат или затоа што техеран додал нови фортификации за да ги заштити.
Американскиот секретар за одбрана, Леон Панета, во интервјуто за овој весник вели дека ќе се работи на надградба на бомбата и дека очекува наскоро бомбата да биде способна да ги уништи и најдлабоките бункери.
Функционери од Пентагон велат дека за проектот биле издвоени големи финансиски средства за да се обезбеди ефективност и против најдлабоките бункери, вклучувајќи и постројката за збогатување на ураниумот во Фордоу во Иран. Фордоу е закопана во планински венец во Иран и е опкружена со противавионски батерии, со што е многу тешка цел за воздушни напади.
Иран тврди дека постројката, изградена во 2006 година, е отпорна на каков и да е напад. Западните земји дознаа за оваа постројка во 2009 година, од разузнавачки извори. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Свет
Во Таџикистан се уапсени девет лица поврзани со масакрот во Москва
Таџикистан уапси девет лица осомничени дека се поврзани со масовното пукање во руската концертна сала минатиот петок, како и милитантна исламистичка група која ја презеде одговорноста за нападот, изјави таџикистански безбедносен извор за Ројтерс. Четворицата осомничени напаѓачи зад најсмртоносниот напад во Русија во последните 20 години се државјани на Таџикистан. Тие беа уапсени со уште седум други осомничени, од кои некои исто така потекнуваат од поранешната советска централноазиска земја.
Одборот за државна безбедност на Таџикистан приведе девет лица во градот Вахдат. Осомничените сега се во главниот град Душанбе, рече изворот, но не даде детали. Најмалку 143 лица загинаа во напад на концертна сала во близина на Москва.
Таџикистан, член на безбедносниот блок предводен од Русија и дом на руската воена база, ги собра семејствата на осомничените напаѓачи за да можат да бидат испрашани од руските истражители во Душанбе, изјавија извори за Ројтерс.
Исламска држава ја презеде одговорноста за нападот во концертната сала, а американските официјални лица рекоа дека имаат разузнавачки информации кои укажуваат на тоа дека нападот го извршил авганистанскиот огранок на мрежата, Исламската држава Хорасан (ИСИС-К).
Руските истражители вчера објавија дека пронашле докази дека напаѓачите се поврзани со „украински националисти“. САД веднаш го отфрлија тврдењето како неоснована пропаганда. Киев остро негираше каква било вмешаност во нападот на концертната сала.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.