Свет
Сирија: Повик за сеопфатно вооружено востание
Жестоки борби избувнаа во саботата помеѓу Слободната армија на Сирија и владините сили во предградијата на престолнината Дамаск, еден ден откако 60 луѓе загинаа во силните борби ширум земјата.
Жестоки борби избувнаа во саботата помеѓу Слободната армија на Сирија и владините сили во предградијата на престолнината Дамаск, еден ден откако 60 луѓе загинаа во силните борби ширум земјата.
Владините тенкови отвориле оган и врз сиромашниото предградие на Хомс, Баба Амр, додека сириската опозиција повика на сеопфатен вооружен отпор против режимот на претседателот Башар ал-Асад.
Во меѓувреме, европските и арапските нации притискаат во Советот за безбедност на Обединетите нации преку резолуција да се поддржи планот на Арапската лига од минатата недела, кој предвидува моментален прекин на сите насилства, ал-Асад да ја напушти власта, а на негово место да дојде неговиот заменик, кој би ја надгледувал организацијата на предвремените избори во земјата.
Резолуцијата ја подготвија Британија, Франција и Германија за едно со арапските држави, а пред СБ ја претстави Мароко.
Поддржувачите на резолуцијата се надеваат дека противниците ќе попуштат пред фактот дека целата Арапска лига ја поддржува резолуцијата, од бројката на мртви која, според ОН, достигна 5.400 луѓе, но и од жестоките борби кои ја зафатија земјата во последните неколку дена. Шефот на мисијата на Арапската лига во Сирија, суданскиот генерал Мохамед Ахмед Мустафа ал-Даби призна дека насилствата „значително се засилиле“ во текот на минатата недела, особено во централните точки на отпорот против ал-Асад во градот Хомс и во северниот регион Идлиб.
На резолуцијата најжестоко и се против и Русија, која смета дека со неа е помината „црвената линија“. Рускиот амбасадор во ОН, Виталиј Чуркин ја обвини Арапската лига дека сака на ал-Асад да „му наметнат“ решение пред воопшто да започнат директните преговори помеѓу режимот и опозицијата и предупреди дека „Сирија нема да биде Либија“.
Сепак, тој вели дека резолуцијата нуди „основа за разговор“ и дека договорот со поддржувачите на резолуцијата е можен.
Русија и Кина во октомври веќе ставија вето на претходната резолуција за Сирија, подготвена од членки на ЕУ, со обвинение дека Западот единствено сака „да го смени режимот“.
И сирискиот амбасадор во ОН, Башар Џаафари жестоко и се спротивстави на резолуцијата и ги обвини членките на СБ дека зборуваат за неговата земја без да ги консултираат Сиријците и со нив да ги споделат своите забелешки.
„Се однесуваат кон нас како да сме поранешна колонија, ако да треба да се потчиниме на нивната волја. Тие грешат и многу ќе се разочараат“, вели Џаафари. /крај/Aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Според Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина, вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја, поради што понекогаш се појавуваат различни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.