Свет
„Окупирајте ја престолнината“ со голи гради против елитата
Околу 200 припадници на движењето „Окупирајте ја престолнината“ (Occupy DC), меѓу кои и момчиња и девојки со голи торза во сабота навечер по локално време протестираа пред хотелот во Вашингтон во кој на свечена вечера беше собран „градскиот крем“
Околу 200 припадници на движењето „Окупирајте ја престолнината“ (Occupy DC), меѓу кои и момчиња и девојки со голи торза во сабота навечер по локално време протестираа пред хотелот во Вашингтон во кој на свечена вечера беше собран „градскиот крем“, меѓу кои и претседателот Барак Обама со сопругата Мишел.
Групата демонстрираше заради заканите дека во понеделник ќе бидат отстранети нивните шатори на плоштадот „Мекферсон“, сместен недалеку од Белата куќа, во самиот центар на главниот град на Америка.
Пред хотелот со пет ѕвезди, во кои се одржуваше годишната гала забава од затворен тип на клубот „Алфа Алфа“, демонстрантите шетаа полуголи и танцуваа пред полицајците, наспроти ниските зимски температури. На градите на една од демонстрантка пишуваше „Слобода на изразувањето“.
Демонстрантите кои направија камп на плоштадот „Мекферсон“ во петок беа известени дека ќе бидат избркани во понеделник.
Противкапиталистичкото движење, кое под називот „Окупирајте го Волстрит“ (Occupy Wall Street) започна во септември во Њујорк, во Вашингтон функционира на две локации и под два назива: Occupy DC, чии демонстранти кампуваат на плоштадот „Мекферсон“ и „Окупирајте го Вашингтон“ (Occupy Washington), со камп на Плоштадот на слободата (Freedom Plaza). И двата се во непосредна близина на Белата куќа.
Во саботата американската полиција уапси 200 припадници на движењето „Окупирајте го Окленд“ (Occupy Oakland), откако претходно дојде до судир со нив во овој калифорниски град. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони кои ќе бидат наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации Хоризонт Европа од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2), за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото, и дека се уште го чека извештајот од обдукцијата на нејзиниот син.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го сокрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за Нова.рс изјави дека никој не дошол кај неа да и каже дека нејзиниот син е претепан, туку дека само полицаецот дошол да ја извести за неговиот погреб.
„Не се сомневам дека ќе се дознае кој го убил, од Бор се. Извештајот од обдукцијата се уште не сум го добила, па се надевам дека ќе открие се“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала дека Драгијевиќ починал со насилна смрт, а доказ за тоа се бројните повреди што ги имал по телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“ Дејан Драгијевиќ и Срѓан Јанковиќ под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го сокрие телото на детето.
Телото на Данка се уште не е пронајдено.
Свет
Дмитриј Песков: Москва се придржува до идејата на Путин за создавање тампон зона во Украина
Москва се придржува до идејата на рускиот претседател Владимир Путин за создавање тампон зона во Украина за заштита од оружје со долг дострел, изјави на прес-конференција портпаролот на Кремљ, Дмитриј Песков.
„Што се однесува до тоа, ништо не е променето“, рече тој одговарајќи на новинарско прашање, пренесе ТАСС.
Портпаролот на Кремљ додаде дека прашањето за борбата против оружјето со долг дострел доставено до Украина и потенцијалните напади врз областите во кои тие се концентрирани е „прилично во надлежност на вооружените сили“.