Свет
Десетици луѓе повредени во земјотресот во Перу
Шеесетина лица се полесно поведени во земјотресот со магнитуда од 6,2 степени што денеска го погоди подрачјето на Ица, во близина на брегот на југот на Перу, соопштија властите.
Шеесетина лица се полесно поведени во земјотресот со магнитуда од 6,2 степени што денеска го погоди подрачјето на Ица, во близина на брегот на југот на Перу, соопштија властите.„Во болниците се примени 60 повредени лица“ во регионот Ица, изјави за медиумите претседателот на регионот Алонсо Наваро, по обиколката на повредените.„Повеќето повредени се здобиле со скршеници, нагмечувања и посекотини, заради пад или паѓање на предмети врз нив, но сите се надвор од животна опасност“, изјави Раул Хуаман, лекар во регионалната болница.Земјотресот предизвика прекин на телефонските линии на подрачјето на Ица, на 300 километри од Лима, но состојбата брзо се нормализирала, соопшти Институтот за цивилна заштита.Тамошните жители наведуваат дека на повеќе згради има пукнатини.Како што наведе американскиот геолошки институт, епицентарот на потресот бил на длабочина од 39 километри, 23 километри југоисточно од Ица.Од друга страна, перуанскиот геофизички завод наведува дека земјотресот бил со јачина од 6,2 степени, а епицентарот 47 километри југозападно од Ица, на длабочина од 48 километри.Не беше објавена тревога за цунами.Подрачјето на Писка и Иза во август 2007 година го погоди земјотрес со јачина од 7,9 степени, кој беше последен посилен земјотрес во Перу, во кој загинаа над 500 луѓе, а 200.000 беа повредени. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон изјави дека „постои ризик Европа да умре“ за време на говорот на Универзитетот Сорбона во Париз.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува Ројтерс.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.