Свет
Шеесет жртви од сибирскиот бран во Европа
Повеќе од 60 лица починаа од последиците на бранот големи студови што ја зафати источна Европа, а во некои држави војската да помогне во обезбедувањето на храна и медицинска помош и се организираат прифатилишта за бездомниците.
Повеќе од 60 лица починаа од последиците на бранот големи студови што ја зафати источна Европа, а во некои држави војската да помогне во обезбедувањето на храна и медицинска помош и се организираат прифатилишта за бездомниците.Најмалку 30 луѓе, од кои повеќето бездомници починале во Украина во последните пет дена, соопшти во вторникот украинското министерство за вонредни ситуации. Покрај тоа, околу 500 лица биле примени во болниците поради премрзнатост и настинки или слични болести предизвикани од студот. Ова е најстудената зима во Украина во последните шест години. Вообичаено во оваа поранешна советска република температурите во зима се спуштаат околу минус 15 Целзиусови степени. Украинското министерство соопшти дека околу 1.600 прифатни центри се подготвени да понудат засолниште, храна и топли пијалаци за бездомниците. Температурата во Украина зимава падна и до минус 33 Целзиусови степени, во Бугарија, Романија и Полска се регистрирани температури од минус 30, додека во источна Босна и Херцеговина до минус 31 Целзиусов степен. Според метеоролозите овие ниски температури во источна Европа ќе се задржат најмалку до петок, а новите снежни врнежи се очекуваат од среда. Во Бугарија починаа пет, а во Романија осум лица, каде што војската минатата седмица помогна да се спасат стотици луѓе завеани во автомобилите по патиштата низ државата. Црното Море е замрзнато околу романското туристичко место Мамаја, а преку границата со Бугарија соленото езеро е замрзнато првпат по 58 години.Изминатата ноќ во Полска починатите уште пет лица, така што бројот на жртвите од студот во оваа земја се зголеми на 15. Неколку од жртвите се отруле со јаглерод моноксид поради неисправноста на системите за греење, соопшти тамошното министерство за внатрешни работи. Најмалку три лица смртно настрадаа во високите снеговит во планинските региони на југ и југоисток од Србија. Српските власти прогласија вонредна состојба во 13 општини и ги распоредија војниците и пожарникарите за снабдување со храна, вода и лекови во оддалечените села, ново вторникот според министерството за внатрешни работи животот во овие региони постепено се враќа во нормалата.Во Босна и Херцеговина десетина села се отсечени поради високите снежни навеви повеќе од два метра а во источниот дел од земјата во текот на викендот беше пронајдено тело на смрзнат маж. Смртни случаи од студовите се регистрирани и во Чешка, Литванија и Русија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Франција за Велигден ќе биде распоредена полиција пред секоја црква
Францускиот министер за внатрешни работи Жералд Дарманин денеска им нареди на полициските началници да распоредат сили за ред пред сите католички и протестантски цркви за време на Велигден.
Во СМС порака до полициските началници, Дарманин напиша дека „многу високото“ ниво на терористичка закана и „продолжувањето на тензиите“ на меѓународната сцена, особено со војната во Газа и нападот во Москва, „бара исклучителна будност“. за време на велигденските празници овој викенд.
Тој, исто така, додаде дека е неопходно да се воспостави „визуелна контрола на луѓето кои влегуваат во верските објекти за да се откријат сомнителни лица“ и дека „посебно внимание треба да се посвети на „возилата стационирани во близина на големите собири“.
Дарманин дал инструкции за „зголемено физичко присуство на полицијата пред секоја црква или еврејски храм“ од петок до крајот на неделата.
Од почетокот на годината во Франција спречени се два напади. Националното обвинителство за тероризам објави дека еден од тие напади вклучува „џихадистичка идеологија“ насочена против католичка институција.
Велигден, со кој се слави Христовото воскресение, е најголемиот христијански празник. Католиците и протестантите го слават овој викенд, а православните верници на 5 мај.
Регион
„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка
Основачот на Центарот за исчезнати и малтретирани деца, Игор Јуриќ, учествувајќи во емисија во живо, кажа нови детали од истрагата за случајот со исчезнатата Данка Илиќ објаснувајќи зошто потрагата на терен била прекината по 27 часа.
„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и се вршат некои оперативни дејства поврзани со сознанијата за самото девојче“, изјави Јуриќ.
Тој вели дека во случаите на исчезнување на детето родителите мора да споделат сè со полицијата, дури и најинтимните семејни тајни, кои може да бидат важни во тие моменти.
„Кога зборуваме за овие ситуации, кога детето ќе исчезне, едноставно, не смее да има никакви тајни во семејните односи, напротив, треба целосно да ѝ помогнете на полицијата. Ако имате каква било ситуација што може да доведе до несакан настан, во случајот исчезнување мало девојче, мора да кажете сè што знаете“.
Основачот на Центарот за исчезнати и малтретирани деца вели дека во деновите кога не знаеле каде е ќерка му Тијана Јуриќ посакувал некој да излезе и да побара откуп.
„Навистина верувам и го чекам соопштението на полицијата за да видам кое е конечното решение за оваа драма, но, дефинитивно, бев среќен што детето не беше пронајдено на тој простор, особено таа прва вечер бидејќи тешко дека детето може да преживеало таму во тие услови. Кога исчезна Тијана, се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.
Според него, добро е што е пребарана областа и последната надеж е дека некој е вмешан и дека детето е скриено поради некоја причина.
„Сега очекувам дека оперативците на МУП ќе завршат добра работа и дека, конечно, ќе ја дознаеме вистинската вистина.
Игор Јуриќ зборуваше и за активирање на системот „Најди ме“.
„Системот го активираат началниците на полициските одделенија, во случајот тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата бргу реагира и поради возраста на детето, темелно го пребара теренот.
„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7 часот“, објаснува тој.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.