Свет
Санторум победи во три американски држави
Рик Санторум победи на прелиминарните гласања во Минесота, Мисури и Колорадо за избор на претседателски кандидат од редовите на Републиканската партија, јави Глас на Америка на македонски јазик.
Рик Санторум победи на прелиминарните гласања во Минесота, Мисури и Колорадо за избор на претседателски кандидат од редовите на Републиканската партија, јави Глас на Америка на македонски јазик.
Поранешниот сенатор од Пенсилванија победи во Минесота со 45%. Конгресменот Рон Пол го освои второто место со 27%, а досегашниот фаворит, поранешниот гувернер на Масачусетс Мит Ромни беше трет со 17% од гласовите.
Во Мисури Санторум освои 55%, Ромни 25% а Пол 12% од гласовите.
Прославувајќи ја победата, Санторум изјави дека „конзерватизмот не само што е жив, туку и во одлична состојба“ во Мисури и Минесота. Тој се прогласи за вистинската „конзервативна алтернатива“, и на сопартиецот Ромни, и на претседателот Барак Обама.
Санторум го обвини Обама дека е арогантен и не сака да чуе дека американскиот народ е против владината помош за финансискиот сектор и реформата на здравствената заштита.
Санторум победи и во Колорадо со 40% од гласовите, пред Ромни со 35% и поранешниот претседател на Претставничкиот дом Њут Гингрич со 13%.
Ромни победи со голема разлика во Колорадо на претходните прелиминарни републикански избори во 2008-ма.
Тројната победа на Санторум, како што јавува Гласот на Америка, нанесе значителен удар на статусот на Ромни дека е фаворит да ја освои републиканската номинација за претседателските избори. Ромни му честиташе на Санторум, но кажа дека на крајот очекува да биде кандидатот кој ќе се спротистави на Обама. /крај/voa/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.