Свет
(ВОЗНЕМИРУВАЧКИ ФОТОГРАФИИ) Најмалку 11 загинати во експлозија во сирискиот град Алепo
Во две експлозии во петокот во сирискиот град Алепo загинале најмалку 11 лица, јавува сириската државна агенција SANA.
Во две експлозии во петокот во сирискиот град Алеп загинале најмалку 11 лица, јавува сириската државна агенција SANA.Експлозите во интервал од пет минути одекнале во Алеп, втор по големина сириски град, во седиштето на военото разузнавање во населбата Халеб Џедид и во канцеларија на безбедносните сили на плоштадот Сахур.Според сириската телевизија Surya, нападите биле извршени со две возила со експлозив (минибус и патнички автомобил) кои се удриле во објектите на сириските безбедносни сили. Според дописникот на телевизијата Surya од Алеп, експлозијата во населбата Халеб Џедид бил со огромна моќноста. Според локалните безбедносни служби, детонацијата одговарала на повеќе од 20 килограми ТНТ. Снимките што ги емитуваше телевизијата покажуваат дека зградата на сириското воено разузнавање е сериозно оштетена, а целата улица е покриена со парчиња од бетон и скршени тули. Оштетени се и објектите во близина на експлозијата.Ова се први терористички напади во градот Алепo, за кои како и при нападите во престолнината Дамаск, властите ги обвинуваат „терористичките групи“.Кон крајот на декември и почетокот на јануари во сирискиот главен град Дамаск беа извршени два терористички напада. Во двата самоубиствени напади извршени на 24-ти декември и 26-ти јануари, вкупно загинаа 60 луѓе, а повеќе од 220 беа ранети.Како што пренесува AFP повикувајќи се на сириската Опсерваторија за заштита на човековите права со седиште во Лондон, во градот Алеп, кој според нив досега бил „релативно поштеден од напади на режимските сили“ одекнале три експлозии во коишто загинале „многу војници и цивили“. Според директорот на Опсерваторијата, Рами Андел Рахман, сириските сили и во петокот го продолжуваат гранатирањето на квартот Баба Амр во градот Хомс, во кој од саботата досега биле убиени 400 цивили. Во Сирија речиси десет месеци не престануваат анти-владините протести, кои започнаа во средината на март. Секојдневни се извештаите за загинување на цивили и вооружени припадници на безбедносните сили. Според ОН вкупниот број на жртвите во Сирија надминува 5.400 луѓе. Според официјален Дамаск, пак, бројката загинати надминува две илјади луѓе од кои најмалку 1.300 се униформирани припадници на безбедносните сили, а за крвавите безредија се обвинуваат „терористички групи уфрлени надвор од земјата“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Макрон и градоначалничката на Париз најавија дека ќе пливаат во Сена: Сакаат да го докажат добриот квалитет на водата за Олимписките игри
Градоначалничката на Париз, Ан Идалго изјави дека ќе плива во Сена со францускиот претседател Емануел Макрон за да докаже дека квалитетот на водата на реката ќе биде на нивото потребно за претстојните Олимписки игри.
Идалго потврди дека ги поканила организаторите на Олимпијадата и високите француски функционери да пливаат во Сена на настан кон крајот на јуни или почетокот на јули оваа година, вклучувајќи го и Макрон, кој претходно ветил дека ќе плива во реката, пренесува АП.
„Ќе нуркаме во Сена и многу волонтери се појавија да нуркаат со мене и многу спортисти ќе бидат таму. Ќе биде безбедно да се плива во Сена“, изјави Идалго.
Претходно, француската невладина организација „Suffrider Foundation“ предупреди дека квалитетот на водата во Сена не е доволно добар за пливање за време на Олимпијадата, врз основа на шестмесечни мерења на квалитетот.
За чистење на оваа река ќе бидат инвестирани 1,4 милијарди евра, а од 1 јуни ќе почнат новите рутински мерења.
Организаторите на ОИ претходно најавија дека е можно да се одложат одредени настани во случај на голема загаденост на Сена, а во најлош случај ќе биде откажан пливачкиот дел од планираните триатлони.
Исто така, беше најавено дека пливањето во делови на Сена ќе биде дозволено за јавноста, за прв пат од 1923 година.
Свет
Јужнокореец уби 76 мачки, почнал да ги мрази откако му го изгребале автомобилот
Маж од Јужна Кореја е осуден на 14 месеци затвор за убиство на 76 мачки во еден од најлошите случаи на суровост кон животните во Јужна Кореја во последните години.
Човекот, кој има 20 години, беше осуден за кршење на јужнокорејскиот закон за благосостојба на животните минатата недела, соопшти Окружниот суд Чангвон во југоисточна Јужна Кореја. Судот не го објави името на човекот.
Човекот убивал мачки од декември 2022 година до септември 2023 година поради омразата кон животното која ја развил откако други мачки му го изгребале автомобилот, се наведува во образложението на пресудата.
Тој фатил мачки скитници и посвоил други од интернет-страниците пред да ги задави некои до смрт, а други да ги убие со ножици, смета судот.
Со автомобил прегазил една мачка.
Судот процени дека затворската казна е неизбежна затоа што тој постојано правел „неописливо сурови“ злосторства со предумисла.
Нагласено е дека изречената казна сепак го одразува фактот дека мажот немал криминално досие и се кае за сторените кривични дела, додавајќи дека е утврдено дека неутврденото психичко здравје на мажот било мотив за делата.
Човекот ја обжали пресудата.
„Овој случај на суровост, исто така, ја истакнува важноста од измена на Граѓанскиот законик за правно признавање на животните како живи суштества и дополнително зајакнување на нивната правна заштита“, рече Борами Сео, директор на јужнокорејската канцеларија на Humane Society International.
Свет
Убиен рапер, пронајден во хотелска гаража откако бил застрелан: Џастин Бибер јавно се прости од него
Раперот Крис Кинг почина во саботата во Нешвил, Тенеси.
Крис бил ранет околу 2 часот и 30 минути кога бил со пријателите во уличка, соопшти полицијата, пренесува „Пипл“.
Како што се наведува понатаму, тројца мажи им пришле и се обиделе да ги ограбат, а Кинг и уште еден маж биле ранети. Напаѓачите побегнале, а раперот бил пронајден во гаража на хотел.
View this post on Instagram
Веднаш бил пренесен во болница, но таму починал.
32-годишниот рапер беше близок пријател со пејачот Џастин Бибер, кој јавно се прости од него.
“Те сакам брат. Ова боли“, напиша Џастин Бибер, пренесува гореспоменатиот медиум.