Свет
Претседателски избори во Јемен
Јеменците во вторникот ќе гласаат на претседателските избори со коишто се верува ќе го сменат досегашниот претседател Али Абдул Салех, надевајќи се дека со изборот на новиот претседател ќе се надмине длабоката криза што ја зафати земјата и ја доведе до работ на граѓанска војна.
Јеменците во вторникот ќе гласаат на претседателските избори со коишто се верува ќе го сменат досегашниот претседател Али Абдул Салех, надевајќи се дека со изборот на новиот претседател ќе се надмине длабоката криза што ја зафати земјата и ја доведе до работ на граѓанска војна. Единствен кандидат на јеменските претседателски избори е досегашниот заменик претседател Абд Рабо Мансур Хади, што е резултат на консензусот постигнат меѓу политичката елита по повеќемесечните насилни протести во земјата. Јеменците се надеваат дека со овие избори ќе свртат нов лист и дека по 33 години ќе го соборат претседателот Али Абдула Салех кој владееше со цврста рака. Од утрото во вторникот пред избирачките места во Јемен гласачите чекаат во долги редици, пренесуваат агенциите. Особено масовност е забележана во главниот град Сана’а каде бројни полициски сили ги обезбедуваат гласачките места, имајќи предвид дека вечерта пред изборите пред избирачки место во јужниот пристанишен град Аден се случи експлозија. „Објавуваме крај на ерата на Салех и почнуваме со изградба на новиот Јемен“, изјави нобеловката Тавакул Карман, чекајќи во ред пред избирачки место во зградата на Универзитетот во главниот град Сана’а.Салех кој во моментов се наоѓа на лекување во САД, по изборите ќе биде најверојатно четвртиот арапски лидер чие повеќедецениско владеење се засноваше на автократијата а кој ќе биде симнат од власта по минатогодишната ткн „арапска пролет“ која доведе веќе до смена на режимите во Тунис, Египет и Либија. Инаку во вторникот истече 90-дневниот преоден период кој започна на 23-ти ноември која претседателот Салех во Ријад го потпиша планот за надминување на кризата изготвен од Советот за соработка на арапските земјите во Персискиот залив. Со овој план се предвидува заминување од власта на Салех во замена за имунитет од кривично гонење за него и за неговите најблиски соработници. Салех се согласи да го потпише планот со кој се предвидува и одржување на претседателските избори, по повеќе од десет месец масовни протести со кои се бараше неговото заминување. Но и покрај оставката на Салех, немирите не престануваат. Во моментов, земјата ја управува привремена влада според мировниот план на Советот за соработка на арапските земјите во Персискиот залив, кој предвидува заминување од власта на претседателот Салех и нејзин трансфер на опозицијата во замена за имунитет за него и за неговото семејство од кривична одговорност. Сега илјадници демонстранти во Јемен бараат судење на Салех.Претседателот Салех кон крајот на октомври минатата година изјави дека постои „сеопфатна документација за соработката меѓу Ал Каеда и Муслиманското братство, којашто упатува на дестабилизација на земјата и воен удар“. Според него опозицијата ја сочинуваа „пореметени луѓе кои не можат да спијата туку само ја посакуваат власта“.Осиромашената земја во којашто истовремено режимските сили се борат и со ќелии на терористичката глобална мрежа Ал Каеда, од јануари 2011 година е потресувана од речиси секојдневни масовни протести, со кои се бара оставка на режимот, како и ставање крај на корупцијата и невработеноста.Речиси 40 отсто од населението на Јемен опстојува со приход од два американски долара на ден или помалку, а една третина се бори со хроничен глад.Претседателот Салех кој во државата се врати на почетокот од ланскиот октомври и пет други високи функционери на Јемен се наоѓаа во Саудиска Арабија, каде што се лекуваа по нападот врз џамијата во комплексот на претседателската резиденција во Сана’а од 3-ти јуни. Тогаш врз Салех непознати лица пукаа додека тој беше во џамијата во близина на претседателската палата. Според други извори, во џамијата експлодирала подметната бомба. Повредени во експлозијата беа и премиерот и заменик премиерот, претседателот на парламентот и неколку политичари кои присуствуваа на традиционалната петочна молитва. Салех, во нападот се здоби со изгореници околу 40 проценти на кожата и повреди на белите дробови. По два дена во Ријад нему му беше извршена операција со која беа отстранети шрапнели од проектил.Противниците на Салех бараа негово непосредно заминување од функцијата, иако неговиот мандат истекува на крајот од 2013 година.Водечката опозициска организација во земјата „Револуционерна младина на Јемен“ на почетокот од минатата есен го повика претседателот Салех да си поднесе оставка и апелираше на итно формирање преоден револуционерен совет, кој треба да ги преземе ингеренциите и да го подготви новиот устав на земјата.Во истиот период и повеќе од сто влијателни племенските и верските лидери во Јемен, исто така, повикаа на брзо спроведување на претседателските избори во земјата. Тие во јуни 2011-та издадоа писмена изјава, во која уште еднаш побараа оставка од претседателот Салех и избор на нов претседател во рок од 60 дена.Протестите инспирирани од востанијата во Тунис и во Египет го доведоа до раб на пропаст 33-годишното владеење на актуелниот претседател Али Абдула Салех, кој во почетокот повика на прекин на насилствата, затоа што немал никаква намера да си поднесе оставка.Во Јемен од почеток во февруари продолжуваат анти-владините демонстрации, со кои се бара оставката на Салех, кој стана претседател на Северен Јемен во 1978 гoдина по повторното обединување на Северен и Јужен Јемен во 1990 година, застана на чело на новоформираната унитарна Република Јемен./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.