Свет
Организаторите на митингот за поддршка на Путин спремни да платат казна
Организаторите на митингот во знак на поддршка на актуелниот руски премиер и претседателски кандидат Владимир Путин, кој се одржа во четвртокот на московскиот стадион „Лужники“
Организаторите на митингот во знак на поддршка на актуелниот руски премиер и претседателски кандидат Владимир Путин, кој се одржа во четвртокот на московскиот стадион „Лужники“ се подготвени да платат парична казна поради кршење на условите за одржување на настанот, поради присутноста на повеќе луѓе отколку што пријавиле на властите.Како што пренесува РИА Новости, притоа заменикот на шефот на изборниот штаб на Владимир Путин, Павел Зенкович, изјавил дека не се планира наскоро да се одржат слични настани.„Кога ние поднесовме барање за присуство 200 илјади луѓе, не бевме послушани. Доколку градските власти имаат барање до нас, како организатори, тие можат да се обратат до судот, а ние сме подготвени да ја сносиме одговорноста во согласност со законот“, изјави Зенкович.Според московската полиција, на митингот во знак на поддршка на Владимир Путин, учествувале околу 130 илјади луѓе, додека во барањето на организаторите за одржување на митингот биле најавени 100 илјади учесници. Тоа може да биде квалификувано како повреда на востановените прописи за одржување на секакви собири, митинзи, демонстрации, маршеви или протести, со кои се предвидува казна од две илјади рубљи (ниту 70 американски долари).Инаку, на самиот предизборен митинг на стадионот „Лужники“ во Москва, во четвртокот настапија голем број политичари и познати руски уметници, коишто јавно ја дадоа својата поддршка за претседателската кандидатура на Путин за изборите што ќе се одржат на 4-ти март.„Задоволни сме од тоа како мина денешниот настан, се надевам дека успеавме на луѓето да им направиме празник“, рече Зенкович/крај/мф./сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Џакарта повеќе нема да биде главен град на Индонезија
Парламентот на Индонезија одлучи поранешната метропола Џакарта да остане економски центар на земјата како дел од планот за преселување на главниот град на островот Борнео.
Индонезија планира да го пресели својот главен град од преполната Џакарта во Нусантар, град вреден 32 милијарди долари кој се гради во џунглите на Источен Калимантан, Борнео.
Градот е водечки проект на претседателот во заминување Јоко Видодо, кој вети подобра дистрибуција на богатството и развој низ архипелагот, не само на островот Јава.
Министерот за внатрешни работи Тито Карнавијан по дебатата во парламентот рече дека Џакарта сè уште ќе треба да се развива понатаму за да се натпреварува со другите „градови од светска класа“ откако седиштето на владата се пресели во Нусантара.
„Откако повеќе не е главен град, Џакарта сепак мора да има печат на посебен град за да може да го забрза економскиот раст и да го зголеми својот придонес во БДП на земјата“, рече тој.
Европа
Кремљ за евентуалното блокирање на Телеграм: „Се повеќе станува алатка во рацете на терористите“
Портпаролот на Кремљ Дмитриј Песков денеска изјави дека во моментов не се планира блокирање на социјалната мрежа Телеграм во Русија.
„Не, во моментов нема такви планови“, изјави Песков за каналот Шот на прашањето дали Русија планира да го блокира Телеграма.
Тој додаде дека основачот на таа платформа Павел Дуров треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров, бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација, се повеќе станува алатка во рацете на терористите, се користи за терористички цели“, рече портпаролот на Кремљ, пренесува РИА Новости.
Како што изјави во средата за РИА Новости, извор запознаен со ситуацијата, сторителите на терористичкиот напад во предградието на Москва биле регрутирани преку каналот на Телеграм, Глас Хорасан, сопственост на авганистанското крило на Исламската држава.
Пратеникот на Државната дума од Обединета Русија Олег Морозов денеска оцени дека е неопходно да се развие механизам за автоматско блокирање на каналите на Телеграм кои регрутираат терористи користејќи клучни зборови користејќи вештачка интелигенција.
Европа
Шолц: Мирот во Украина е можен во секој момент, само ако Путин ги повлече своите војници
Германскиот канцелар Олаф Шолц изјави денеска дека мирот во Украина е можен во секој момент доколку рускиот претседател Владимир Путин ја прекине својата, како што наведе, „варварска“ кампања и ги повлече војниците.
Шолц за „Маркише Агемајне Цајтунг“ изјави дека секогаш имало иницијативи за посредување.
„На пример, веднаш по избувнувањето на војната, Русија и Украина директно преговараа меѓу себе. Преговорите потоа пропаднаа затоа што Русија ги искористи само како изговор за истовремено да ги премести своите трупи на исток за голема офанзива“, посочи тој.
Како што тврди, токму тогаш на виделина излегле „масакрите“ во Буча и Ирпин, злосторства против човековите права извршени од страна на руските вооружени сили врз цивилното население, со што разговорите се лишени од секаква основа, пренесува медиумот.
„Малку подоцна се разговараше за договорот за жито, со успех. За жал, Путин во одреден момент повторно го откажа“, додаде Шолц.
Тој изјави дека имало разговори и за безбедноста во нуклеарната централа Запорожје и за размена на затвореници.
„Голем број земји, вклучително и Украина, во моментов разговараат на ниво на советници за безбедност за тоа што би можело да изгледа како нешто што може да доведе до мировен процес, но дозволете ми да бидам многу јасен: мирот е можен во секое време. Путин само треба да стави крај на неговата „варварска“ кампања и да ги повлече трупите“, истакна Шолц.