Свет
Русија го поддржа назначувањето на Анан за специјален пратеник за Сирија
Москва го поддржува назначувањето за специјален претставник на Обединетите нации и Арапската лига за сирискиот криза, поранешниот Генерален секретар на ОН, соопшти портпаролот на руското министерство за надворешни работи, Александар Лукашевич.
Москва го поддржува назначувањето за специјален претставник на Обединетите нации и Арапската лига за сирискиот криза, поранешниот Генерален секретар на ОН, соопшти портпаролот на руското министерство за надворешни работи, Александар Лукашевич.Генералниот секретар на ОН, Бан Ки-Мун, во петокот го назначи својот претходник Кофи Анан, за специјалент пратеник на Арапската лига и на Светската организација за Сирија.„Очекуваме дека активноста на овој авторитетен политичар ќе придонесе за решавање на горливите политички и хуманитарни проблеми во Сирија врз основа на работа со сите страни во интерес на мирот преку сеопфатен политички дијалог меѓу сириската влада и опозицијата. Со оглед на актуелниот мандат на Анан, руската страна е подготвена за тесна соработка со него во изнаоѓањето за заемно прифатливи решенија за овие проблеми“, се вели во соопштението од руското министерство за надворешни работи, пренесува .РИА Новости. Според портпаролот Лукашевич, во Москва сериозно се загрижени за моменталните судири меѓу владините сили и вооружените групи во некои области на Сирија, во прв ред во градот Хомс, каде што се забележани големи жртви меѓу сириските цивили и странските новинари.„Веруваме дека е неопходно вложување неодложни напори за што поскоро ставање крај на секое насилство, што доведе до смрт на невини луѓе …. Ги повикуваме сириската влада и вооружените групи, како и оние кои можат да имаат влијание, веднаш да ги преземат сите неопходни чекори за да се спречи натамошно влошување на хуманитарната ситуација и нејзиното решавање“, се вели во цитираната писмена изјава на портпаролот Лукашевич.Во соопштението, исто така, се истакнува дека „приоритет треба да биде обезбедувањето неодложно прекинување на огнот поради евакуирање на ранетите и настраданите во Хомс“, како и преземањето мерки за обезбедување хуманитарна помош./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.