Свет
Клинтон понуди 10 милиони долари помош за Сирија
Американската државна секретарка Хилари Клинтон, говорејќи во петокот на состанокот „Пријатели на Сирија“ и’ предложи на оваа земја 10 милиони долари за обезбедување хуманитарна помош за жителите на земјата, јавува AFP.
Американската државна секретарка Хилари Клинтон, говорејќи во петокот на состанокот „Пријатели на Сирија“ и’ предложи на оваа земја 10 милиони долари за обезбедување хуманитарна помош за жителите на земјата, јавува AFP.Притоа, како што пренесува агенцијата, Клинтон истакнала дека сирискиот режим ќе плати „висока цена“ доколку продолжи да ги игнорира барањата на меѓународната заедница и продолжи да „ги угнетуваат правата на сирискиот народ“.„Доколку режимот на Асад продолжи да ја окажува оваа спасителна за населението помош, на неговите раце ќе има уште повеќе крв“, ја цитира Associated Press државната секретарка на САД. Во петокот, на конференцијата којашто се одржува во Тунис под наслов „Пријатели на Сирија“ земаа учество претставници на 70 земји, меѓународни и регионални организации. Главната цел на состанокот е зајакнување на меѓународниот притисок врз режимот на сирискиот претседател Башар ал-Асад да стави крај на насилството во Сирија и почетокот на основните демократски промени. На конференцијата, иако беа поканети, не присуствуваа Русија и Кина, коишто изразија сомнежи за вистинските цели на состанокот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Атина во густ облак од прашина и песок од Сахара
Главниот град на Грција, Атина, се најде во облак од прашина и песок од пустината Сахара и Северна Африка, феномен кој е проследен со особено високи температури.
Воздухот во градот треба да се подобри од утре наутро, велат метеоролозите.
„Во пролетта, март-април, циклоните, кои се движат кон исток по северноафриканскиот брег, носат прашина кон источниот Медитеран. Типична песочна бура со домет од 200 километри носи од 20 до 30 милиони тони прашина, понекогаш и до 100 милиони, објаснува директорот на грчката метеоролошка служба Теодорос Колидас.
Главниот град често се наоѓа на патот на тие песочни бури, но оваа година беше проследен со особено високи температури, поради што е речиси невозможно да се дише.
Во центарот на Атина на 27 март беа забележани 25,3 степени Целзиусови, што е рекорд од март 2009 година, а на Крит температурите достигнаа и до 32 степени, истакнаа грчките метеоролошки служби.
Сојузот на пулмолозите на Грција препорача најранливите групи на населението, особено луѓето кои страдаат од астма, да избегнуваат „непотребни движења и спортови на отворено кога концентрациите на прашина се највисоки“.
„Африканската прашина носи честички кои можат да се интегрираат со полен, бактерии и габи, создавајќи многу токсична и опасна смеса за човечкото тело, а особено за респираторниот систем“, предупредува здружението.
Свет
Апсења во Пакистан по снимка во која брат ја убива сестрата, таткото гледал сè
Пакистанската полиција уапси татко и брат откога видеото од провинцијата Пенџаб, на кое брат ја дави својата сестра додека таткото гледа, стана вирална, соопштија официјални лица.
Настанот предизвика шок и бес во нацијата, која се бори со бранот насилство врз жените. 22-годишна девојка била убиена од својот брат додека таткото гледал, а непознато трето лице го снимило злосторството, изјави за ДПА претставникот на локалната полиција, Рана Акмал.
Инцидентот се случил во градот Тоба Тек Синг минатата недела. Семејството ја закопало жената тврдејќи дека умрела од колера.
И таткото и братот ѝ кажале на полицијата дека со години ја силувале жената и ја убиле за да го скријат своето злосторство, изјави полицискиот службеник Мохамед Имран.
Се спроведуваат рации за апсење на лицето, кое наводно го снимило злосторството.
Регион
Родителите на двегодишната Данка во полиција во Бор: мајката одбила полиграф
Родителите на исчезнатата двегодишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ сè уште не е пронајдено. Апелираме до сите луѓе да не објавуваат информации што не се проверени. Со тоа се нарушува и се загрозува истрагата, во која е инволвиран и Одделот за криминалистичка полиција“, изјавиле за „Телеграф.рс“ од српската полиција.