Свет
Бундестагот го одобри вториот пакет помош за Грција
Германскиот парламент (Бундестагот), во понеделникот доцна попладне го одобри вториот пакет меѓународна финансиска помош за Грција.
Германскиот парламент (Бундестагот), во понеделникот доцна попладне го одобри вториот пакет меѓународна финансиска помош за Грција.За одобрувањето на финансиската помош за Грција гласале 496 од 591 пратеници присутни на гласањето. Според резултатите од гласањето, што ги соопшти заменик-претседателот на Бундестагот, Волфганг Тирзе, пет пратеници биле воздржани а 90 членови на германскиот парламент гласале „против“.Претходно во понеделникот германската канцеларка Ангела Меркел имаше обраќање пред пратениците во Бундестагот, повикувајќи да го одобрат вториот пакет помош за Атина, оценувајќи дека спротивната одлука би била „неодговорна“, бидејќи според неа ризиците поврзани со грчкиот банкрот би биле „немерливи“.Втората програма за поддршка за грчката економија вклучува заеми од Меѓународниот монетарен фонд (ММФ) и Европската унија во висина од 130 милијарди евра во замена за преземните обврски за остри структурни реформи во Грција, со коишто ќе се намали буџетскиот дефицит и јавниот долг.Пакетот документи, за кој германските пратеници гласаа се состои од 726 страници текст на професионален банкарски јазик. Оттаму, некои германски медиуми изразија сомневање дека повеќето од пратениците го прочитале текстот.Претходно, германските опозициски социјалдемократи најавија поддршка за владиниот предлог. Критиката за овој нацрт-закон дојде од самите редови на владејачката коалиција, а особено гласен беше министерот за внатрешни работи Ханс-Петер Фридрих кој изјави дека во случај кога Грција би излегла од ерозоната, тогаш би и’ било полесно да се справи со кризата. Фридрих е претставник на Христијанско социјалната унија (CSU), баварскиот партнер на партијата на Меркел CDU. Претходно за можноста за излез на Грција од европската монетарна унија се изрази и лидерот на CSU и премиер на Баварија, Хорст Зехофер.Оваа позиција беше критикувана од германски министер за надворешни работи, Гвидо Вестервеле, кој рече дека „не ги разбера политичките шпекулации за истапување на Грција од еврозоната“./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.