Свет
Продавале техничка сол за патишта како сол за јадење
Три полски компании купувале техничка сол за посипување по улиците во зимски услови, а потоа ја преработувале, препакувале и ја продавале како сол за домаќинствата, заработувајќи огромни суми на пари.
Три полски компании купувале техничка сол за посипување по улиците во зимски услови, а потоа ја преработувале, препакувале и ја продавале како сол за домаќинствата, заработувајќи огромни суми на пари.Аферата ја откриле репортери на приватната полска телевизија ТВН, јавува дописничката на Бета од Варшава, а полскиот премиер Доналд Туск во понеделникот побара детална истрага во врска со овој случај.Во компанијата Амвил од Вроцлав купувале по 1.000 тони техничка сол месечно, а исто толкаво количество подоцна и продавале.Првите нарачки на техничка сол започнале во 2002 година, соопштија полицијата и Обвинителството во Познањ, кои ја презеле истрагата.Годишно трите компании со измама на муштериите можеле да заработат околу 1,4 милиони евра. Тие солта ја купувале по цена од седум евра за тон, ја сушеле, ја препакувале и ја продавале десет пати поскапо, како сол за јадење на компаниите во прехранбената индустрија.Пет лица се уапсени и обвинети за загрозување на здравјето на потрошувачите. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Авион со 200 луѓе слета во Јапонија, по слетувањето, почна да чади
Јапонскиот државен радиодифузен сервис NHK објави дека се издигнал чад од авионот на All Nippon Airways, кој денеска слета на аеродромот „Шин Читозе“ во Јапонија.
Летот 71 полета од аеродромот „Ханеда“ во Токио со 200 луѓе. Нема извештаи за повредени.
NHK јавува дека чадот, кој се гледал од пределот на крилата по слетувањето, исчезнал кога моторот престанал да работи. Причината за чадот може да биде истекување нафта, според NHK. Индикаторот во пилотската кабина покажа губење на притисокот на маслото во системот што го контролира авионот.
Една од двете писти на аеродромот „Читосе“ беше затворена по инцидентот.
Во јануари, авион на „Јапонија ерлајнс“ и авион на крајбрежната стража се судрија на аеродромот „Ханеда“ и се запалија. Сите 379 патници и членови на екипажот на JAL се евакуирани, но загинаа пет члена од авионот на крајбрежната стража.
Свет
Путин: Сите вмешани во терористичкиот напад во „Крокус сити хол“ кај Москва мора да бидат казнети
Сите поттикнувачи, спонзори и организатори на терористичкиот напад на концертната сала „Крокус“, во предградието на Москва, мора да бидат идентификувани и казнети, изјави рускиот претседател, Владимир Путин.
„Руските разузнавачки и агенциите за спроведување на законот го истражуваат и испитуваат секој детаљ од овој грозоморен терористички чин во ‘Крокус’ идентификувајќи ги сите инволвирани страни, вклучително и поттикнувачите, спонзорите и организаторите. Никој од нив не смее да избега од праведна казна“, нагласи Путин.
Зад терористичките напади во разни делови на светот стојат и радикални групи и разузнавачки служби на одделни земји, рече рускиот лидер, пренесен од руските медиуми.
„Несомнено, меѓународниот тероризам останува една од најголемите закани на 21 век“, истакна Путин.
.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.