Контакт

Свет

Руска опозиција: Путин ни објави војна

Објавено пред

Во понеделник Кремљ им подаде маслиново гранче на руските опозиционери, пред тие да излезат на најавените масовни демонстрации во протест против победата на Путин на претседателските избори, кои тие ја нарекоа „објава на војна“.

dobivaj vesti na viber

Во понеделник Кремљ им подаде маслиново гранче на руските опозиционери, пред тие да излезат на најавените масовни демонстрации во протест против победата на Путин на претседателските избори, кои тие ја нарекоа „објава на војна“.

Еден ден претходно, откако стана јасно дека убедливо победил уште во првиот круг, меѓу првите победнички изјави на Путин беше дека неговиот триумф „ја спасил Русија од непријателите кои се обидуваат да ја узурпираат власта“. Се уште актулениот премиер, кој се враќа во претседателската фотелја која ја држеше осум години пред на неа да го спроведе Дмитри Медведев во 2008 година, имаше солзи во очите кога ги нападна оние кои и се спротивставуваат на неговата 12-годишна доминација со Русија.

Прозваните опозиционери, пак, се жалат дека изборите, всушност, биле една огромна изборна изама, во која поранешниот агент на КГБ освои 63 проценти од гласовите и најавија дека своето гадење од тоа што се случи во неделата ќе го изразат преку масовни протести во центарот на Москва во понеделник навечер.

„Тој ги турка нештата до точка на кршење. Тој со ова ни објави војна“, вели новинарот Сергеј Паркоменко, еден од организаторите на протестите.

Соочен со можност за сериозни судири, Кремљ во понеделникот ја спушти топката и издаде соопштение чија цел е да ги избие од рацете на опозиционерите најубојитите аргументи. Имено, Медведев, кој функцијата претседател ќе ја врши до примопредавањњето во мај годинава, на Јавниот обвинител му нареди да ја преразгледа легалноста на 32 судски случаи, вклучувајќи го и затворањето на некогашниот нафтен магнат Михаил Ходоровски. Бизнисменот Ходопровски, кој некогаш ја поседуваше, во тоа време, најголемата руска нафтена компанија „Јукос“ и гажеше за најбогат човек во Русија, беше уапсен во 2003 година под обвиненија за одбегнување на данок и измами, но дури откако јавно ги покажа своите независни политички амбиции и влезе во судир со Путин.

Во соопштението на Кремљ се вели и дека Медведев на министерот за правда му наредил да објасни зошто не дозволил регистрација на либералната опозиционерска група ПАРНАС, на кој и беше забрането да учествува на изборите. И двете наредби следуваат (со мало задоцнување) по средбата помеѓу Медведев и опозиционерите минатиот месец, на која тие му предадоа список од луѓе кои тие ги сметаат за политички затвореници и повикаа на политички реформи.

Лидерот на руските комунисти Генади Зјуганов потезите на Медведев ги оквалификува како „обид барем да се намали степенот на незадовоство и бунтови кои се повеќе го обземаат руското општество“.

Потегот на Медведев, според аналитичарите, може да е наменет да ги смири најголемите протести во текот на владеењето на Путин, но и на заминување од функцијата да се прикаже како „полибералната“ половина од владејачкиот тандем Путин – Медведев.

Предизвиците пред Путин

Со речиси целосно пребројани гласови, резултатите од претседателските избори во недела во Русија покажуваат дека 59-годишниот Путин освоил 63,68 проценти од гласовите. Лидерот на комунистите Зјуганов беше втор со 17 проценти, додека ултранационалистот Владимир Жерновски освои нешто повеќе од шест проценти, а поранешниот претседател на руската Дума Сергеј Миронов заврши четврт, со четири проценти.

„Практично немаше некои сериозни прекршувања на изборниот процес“, изјави за Reuters претседателот на Централната изборна комисија Владимир Чуров со што ги отфрли наводите на опозицијата и на доброволните набљудувачи на изборите за масовни измами ширум Русија.

„Голос“, независна мониторинг организација, тврди дека регистрирала најмалку 3.100 прекршувања во целата земја. Меѓународните набљудувачи треба да ги дадат своите конечни извештаи до понеделник навечер.

Иако урбаните протестни движења Путин го претставуваат како автократен лидер кој ги кочи политичките и економските промени во Русија, тој сепак успеа да привлече солидно гласачко тело дури и во најоддалечените краишта на Русија. Многумина од гласачите Путин го сметаат за најбезбеден избор, кој е заслужен за враќањето на редот по хаотичните 1990-ти години под водство на тогашниот претседател Борис Елцин, но и за економскиот бум низ кој минува земјата во последнава деценија.

„Сакам стабилност. Не сакам никакви промени“, вели 38-годишната универзитетска професорка Марија Будаева, која го поддржува Путин. Раиза Сидорик, 64-годишна домаќинка, вели: „Тој ја знае економијата, тој го знае политичкиот систем. Мене ми се чини дека тој е најдобриот кандидат“.

Путин сега нема да пропушти убедливата победа да ја претстави како силна поддршка од јавноста против демонстрантите, кои тој ги опиша како дестабилизирачко малцинство и пиони на странски влади. Тој, исто така, сега целосно ќе ја врати во употреба цврстата реторика против Западот при справувањето со меѓунартодните прашања, вклучувајќи ја и опасноста од изолација на Русија поради нејзиниот став во врска со крвопролевањата во Сирија.

Путин е и под силен притисок од странските инвеститори да ја намали зависноста на Русија од извозот на енергенси.

Но, огромен број Руси од големите градови, особено од Москва и од Санкт Петерсбрург, тврдат дека тој е, всушност, најголемата пречка за промените и чувар на еден корумпиран политички систем од кој корист имаат само неговите пријатели и сојузници.

„Ништо не се промени“, вели еден од лидерите на протестите, Алексеј Навални. „Она што се случи во неделата не може да се нарече избори“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Двегодишното девојче кое исчезна во Србија се бара насекаде, полицијата врши распити на голем број лица

Објавено пред

Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“

dobivaj vesti na viber

Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.

Полицијата ја истражува секоја трага што може да укаже на тоа што се случило со девојчето.

„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.

Истрагата се одвива во повеќе правци, а денеска полицијата повторно разговараше со родителите на девојчето.

„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.

Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.

Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.

Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.

На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.

„Ја знам таа жена, ја видов како носи две деца во парк, страшно е што се случи“, велат соседите.

Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.

Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.

Прикажи повеќе...

Регион

„Само се шалевме“ – уапсените поради тврдењата за исчезнатото девојче се донесени во полиција

Објавено пред

Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.

dobivaj vesti na viber

Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.

Како што јави известувачот на Н1, уапсените биле донесени во зградата на Федералната полициска управа.

Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.

Веднаш по апсењето изјавиле дека „само се шегувале“. Сите уапсени се членови на исто семејство.

Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.

Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.

На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.

Прикажи повеќе...

Свет

Тешка автобуска несреќа во Јужна Африка, загинаа 45 лица

Објавено пред

Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.

dobivaj vesti na viber

Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.

Автобусот превезувал луѓе од Боцвана до Морија, град во Лимпопо.

Спасувачките операции продолжија до доцна денеска.

Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.

Прикажи повеќе...

Најново

Македонија11 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија11 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија13 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија14 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија15 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија16 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ17 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија17 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија18 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија21 час

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет21 час

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет21 час

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија21 час

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион21 час

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет22 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет22 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија2 дена

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија2 дена

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија2 дена

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија2 дена

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...