Свет
Претставници на сириската опозицијата ќе ја посетат Москва на 17-18 април
Разговори со претставници на опозициониот Национален координативен комитет на Сирија. ќе бидат водени во Москва на 17-ти и 18-ти април, соопшти во средата руското министерство за надворешни работи.
Претходно во средата шефот на руската дипломатија Сергеј Лавров кој е во посета на Азербејџан најави дека претставници на сириската опозиција ќе допатуваат во Москва за да разговараат со руските политички челници за решавање на ситуацијата во Сирија, меѓутоа не прецизираше датум.
„На 17-ти и 18-ти во Москва ќе се одржи средба со сирискиот опозиција’, е наведено на микроблогот на руското министерство за надворешни работи на Твитер, пренесува РИА Новости.
Во средата наутро, рускиот министер за надворешни работи Сергеј Лавров, остро ја предупреди меѓународната група Пријатели на Сирија. Според Лавров дури и до заби вооружената сириска опозиција не може да ја порази армијата и ги предупреди Западот и арапските земји дека вооружувањето на опозицијата претставува поткопување на мировните напори на специјалниот пратеник на Обединетите нации и на Арапската лига за Сирија, Кофи Анан.
„Сите го поддржаа мировниот план на Кофи Анан, но одлуката на Пријателите на Сирија за вооружување на опозицијата ќе ги намали мировните напори.“, рекол Лавров, пренесува агенцијата Итар-Тасс.
Западните и арапските земји во неделата во Истанбул на конференцијата на групата Пријатели на Сирија соопштија дека ќе разгледаат „нови мерки со цел да се заштити сирискиот народ“, меѓу другото формирање фонд за материјална поддршка на сириската опозиција, како и за нејзино вооружување.
„Дири и ако се вооружи до заби, опозицијата нема да ја победи сириската армија. Ќе следи долгогодишен масакр“, рекол Лавров./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицаец од Бор е приведен поради давање информации за исчезнувањето на девојчето
Полицаец од Бор е приведен поради давање информации од истрагата за исчезнувањето на девојчето Данка Илиќ (2).
Не се знае за какви информации станува збор и кому полицаецот ги дал, но се работи за информации од истрагата кои евентуално би можеле да ја загрозат.
Се уште трае потрагата по двегодишното девојче Данка Илиќ од околината на Бор, чие исчезнување беше пријавено во вторникот.
Се претресуваат куќи и населба, се расчистува дворот.
Две специјалистички екипи за спасување од урнатините од Белград и Нови Сад започнаа детално пребарување на просторот околу куќата, соопшти полицијата.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.