Свет
САД: На режимот во Сирија ќе му се суди за тоа што го сторил
САД предирпедија во средата дека на режимот на сирискиот претседател Башар ал-Асад че му биде судено врз основа на она што „сторил, а не врз основа на она што ветил“, откако официјален Дамаск вети дека ќе ги заврши своите воени операции
Портпаролката на американскиот Стејт департмент, Викторуја Ноланд, изјави дека на сирискиот режим „ќе му се суди врз основа на она што направил, а не што рекол дека ќе стори“, истакнувајќи дека во средата насилството продолжиле на целата територија на Сирија, пренесува AFP.
Ова е во рамките на редовните префрлања од страна на Вашингтон за сирискиот претседател Башар ал-Асад дека не ги исполнува ветувањата дадени на меѓународниот пратеник за Сирија на Обединетите нации и на Арапската лига, Кофи Анан.
Западните сили и претходно ги отфрлија како неверодостојни ветувањата на претседателот Асад дадени на специјалниот пратеник за Сирија на Обединетите нации и на Арапската лига, Кофи Анан, дека ќе го почитува примирјето, но немаат ефикасна политика да го сопрат 13-месечното крвопролевање во Сирија, поради одбегнувањето за воена интервенција и отпорот на Русија и на Кина за какава и да е надворешна меѓународна инволвираност во сирискиот конфликт и резолуција којашто би ја донел Советот за безбедност на ОН.
Претходно во средата заменикот министер за надворешни работи Генадиј Гатилов, соопшти дека сириската влада ја информирла Москва дека прогласува прекин на огнот што ќе започне на 12-ти април во 6 часот наутро.
Претходно, специјалниот пратеник на Обединетите нации и на Арапската лига, поранешниот генерален секретар на светската организација, Кофи Анан, го предложи 10-ти април како краен рок од кој двете страни треба да го започнат спроведувањето на неговиот план за надминување на оружениот конфликт во земјата а по 48 часа да настпи прекин на огнот. Министерот за надворешни работи на Сирија, Валид Муалем кој во вторникот престојуваше во Москва, на руските власти им ги презентирал информациите и плановите на сириското раководство за почеток на реализација на мировниот план на Анан, во прв ред на почетокот на повлекување на армиските единици и тешкото вооружување од градовите во кои се наоѓаат вооружени претставници на опозицијата и другите населени области./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.