Свет
Од вторник нова емисија на Џулијан Асанж, гостинот уште тајна
Втемелувачот на интернет ресурсот WikiLeaks, кој објавува тајни документи за војните во Ирак и Авганистан, како и дипломатски преписки на Стејт департментот на САД, Џулијан Асанж, ќе води сопствена телевизиска емисија на мрежата Russia today, но листата од гости уште е тајна.
Телевизијата Russia today, руска телевизија на англиски јазик финансирана од Кремљ, објави соопштение за тоа дека гостите во емисијата на Асанж нема да бидат однапред најавени, но и дека првото интервју ќе биде контроверзно.
Во моментов Џулијан Асанж се наоѓа во Англија во домашен притвор и му се заканува израчување во Шведска каде го бараат поради истрага за наводни сексуални прекршоци, а за негово израчување заинтересирани се и САД. Тој во Англија го сними и своето токшоу The World Tomorrow.
„Не сакаме да ја намалиме тензијата со откривањето на името на првиот гостин. Воопшто не се сомневаме дека токму тој гостин и тоа интервју ќе доведат до барање за наше згаснување, особено од некои јастреби со мало почитување за слободата на говорот“, изјави главната уредничка на Russia today, Маргарита Симонјан.
Австралиецот Џулијан Асанж соопшти дека во неговата емисија ќе разговара со луѓе „коишто инаку не би добиле можност да говорат на телевизија. Треба да се истакне дека повеќето од она што мене ми го кажаа, тие не би можеле да го кажат ниту на најголемите телевизиски мрежи“.
Аналитичарите сметат дека телевизиската мрежа Russia today е голем проект и обид на Кремљ да го поправи својот имиџ. Можноста да се следи програмата на оваа телевизија ја имаат околу 430 милиони луѓе, а постои и онлајн стрим (канал). Емисијата на Асанж истовремено ќе биде емитувана од Москва и од Вашингтон, на англиски, арапски и шпански јазик./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД ставија вето на приемот на Палестина во ОН
Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како членка на ОН“.
Воздржани беа Велика Британија и Швајцарија, а „за“ гласаа Словенија, Сиера Леоне, Русија, Јужна Кореја, Мозамбик, Малта, Јапонија, Франција, Гвајана, Еквадор, Кина и Алжир.
Претходно вчера, заменик портпаролот на американскиот Стејт департмент, Ведант Пател, потврди дека Вашингтон ќе стави вето на гласањето во Советот за безбедност на ОН, наведувајќи дека нема едногласно мислење меѓу членовите на комитетот за тоа дали Палестинците ги исполнуваат критериумите неопходни за да бидат дефинирани како држава.
Палестинската управа (ПА) го осуди потегот, нарекувајќи го „нефер, неетички и неоправдан“.
Кабинетот на претседателот на палестинската управа Махмуд Абас го нарече американското вето „еклатантна агресија … туркање на регионот преку работ“.
Израелскиот министер за надворешни работи Израел Кац го пофали американското вето, додавајќи: „Срамниот предлог беше отфрлен. Тероризмот нема да биде награден“.
Свет
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на Палестинците и да ги принудат да му се покорат на Израел, изјави постојаниот претставник на Русија во ОН, Василиј Небензја.
„Со користењето на ветото по петти пат од почетокот на ескалацијата во Газа, тие повторно го покажаа својот вистински однос кон Палестинците. Според мислењето на Вашингтон, тие не заслужуваат да имаат своја земја“, изјави Небензја.
Тој истакна дека Палестинците се само пречка на патот кон остварување на интересите на Израел.
„САД се подготвени да ги затворат очите пред злосторствата на Израел врз цивилите во Газа, да го игнорираат илегалното населување на Западен Ерусалим на Западниот Брег. Целта е да се скрши духот на Палестинците, да се натераат безусловно да се потчинат на окупаторската власт, да се претворат во слуги и луѓе од втор ред, а можеби и целосно да се искоренат и протераат од нивната родна земја“, изјави Небензја по гласањето за нацрт-резолуцијата за прием на Палестина во ОН.
Како што истакна, резултатот од гласањето во Советот за безбедност на ОН за резолуцијата за прием на Палестина во ОН како полноправна членка покажува дека САД се речиси целосно изолирани.
„Страдањата на палестинските цивили одекнуваат во срцата и душите на милиони луѓе ширум светот. Во земјите кои доставуваат оружје за Западен Ерусалим се почесто се слушаат гласовите на оние кои се за забрана на таквите испораки. Резултатите од гласањето, кога Вашингтон се најде речиси целосно изолиран, зборуваат сами за себе“, рече рускиот дипломат.
Тој оцени дека американското вето е „неплоден обид да се запре неуморниот тек на историјата“.
„Гледајќи низ прсти на најнепромислените постапки на нашиот сојузник (Израел), немањето желба за барање праведни решенија е директен пат кон натамошно лизгање во бездната на војната што може да го зафати целиот регион“, рече Небензја.
Тој рече и дека таквата политика е недостојна за една голема сила.
„Историјата нема да ви го прости тоа. Ги повикуваме САД да го слушаат гласот на разумот и да размислат за последиците од нивните одлуки“, рече Небензја.
Свет
Потврдено: Нема штета на иранските нуклеарни постројки
Нема штета на иранските нуклеарни постројки, соопшти Меѓународната агенција за атомска енергија на ОН.
Меѓународната агенција за атомска енергија објави дека ја следи ситуацијата „многу внимателно“ и повика на „екстремна воздржаност“.
IAEA can confirm that there is no damage to #Iran’s nuclear sites. DG @rafaelmgrossi continues to call for extreme restraint from everybody and reiterates that nuclear facilities should never be a target in military conflicts. IAEA is monitoring the situation very closely. pic.twitter.com/4F7pAlNjWM
— IAEA – International Atomic Energy Agency ⚛️ (@iaeaorg) April 19, 2024