Свет
Советот за безбедност изгласа испраќање 300 набљудувачи во Сирија
Советот за безбедност на Обединтетите нации во саботата попладне изгласа испраќање невооружени воени набљудувачи во Сирија, коишто ќе го надлгедуваат прекинот на огнот меѓу владините и опозициските вооружени сили.
Набљудувачите ќе престојуваат во земјата во почетен период од 90 дена во рамките на напорите на меѓународната заедница да се запрат крвопролевањата коишто траат веќе 13 месеци при што загинаа најмалку 9.000 луѓе.
Според прифатенета во саботата наутро (по локално време во Њујорк) резолуција на Советот за безбедност, мисијата на воените набљудувачи и неопходниот цивилен персонал треба да биде испратена во Сирија „без одлагање“, според процената на генералниот секретар на ОН, Бан Ки-Мун, за ситуацијата на теренот.
Во резолуцијата се наведува дека „станува од фундаментално значење решавањето на ситуацијата во Сирија“, изјави по гласањето, постојаниот претставник на Русија во ОН Виталиј Чуркин за РИА Новости.
„Неприфатливо е какво и да е проширување на толкувањето на резолуцијата“, дополни Чуркин, според кого „либискиот модел“ во развојот на настаните коишто доведоа до воена интервенција во Либија во 2011 година, треба да остане во минатото.
Советот за безбедност побара, меѓу другото, сириската влада да им обезбеди целосна слобода на движењето на воените набљудувачи и да го реши проблемот со нивниот транспорт.
Во резолуцијата, исто така, се истакнува дека мисијата ќе ја следи ситуацијата со од двете страни прифатениот прекин на огнот и отфрлање на сите форми на насилство, како и целосна имплементација на планот на специјалниот претставник на ОН и на Арапската лига, поранешниот генерален секретар на светската организација Кофи Анан. Според планот на Анан, во Сирија сега на сила е кревкото примирје меѓу ткн Сириската слободна војска, вооруженото крило на опозицијата и безбедносните сили на владата на претседателот Башар ал-Асад.
Според планот за надминување на кризата во Сирија, треба да се исполнат од двете страни, владата и опозицијата, голем број обврски, во прв ред престанување на вооружените насилства под ефективна контрола на специјалниот механизам на ОН, обезбедување хуманитарна помош за населението во областите зафатени со конфликтот и започнување инклузивен политички меѓусириски дијалог. Предлозите на специјалниот пратеник на ОН, беа едногласно поддржани од страна на Советот за безбедност./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.