Свет
Иран и шесторката ги завршија преговорите без напредок
Интензивните дводневни преговори меѓу Иран и шесте светски сили, покажаа дека двете страни сакаат придвижување околу прашањето за спорната нуклеарна програма на Техеран, и дека постојат одредени допирни точки.
Ова го соопшти шефицата на европската дипломатија Кетрин Ештон по завршувањето на преговорите во Багдад додавајќи меѓутоа дека сѐ уште има „значителни разидувања“, па затоа ќе се одржи нова средба во руската престолнина Москва.
„Јасно е дека двете страни сакаат да направат придвижување. Постојат одредени допирни точки, но сѐ уште има значително разидувања“, изјавила Ештон, пренесува Reuters.
Истакнала дека Иран е подготвен да го разгледа предлогот за збогатувањето на ураниумот до 20 проценти. Според нејзините зборови, сите страни се согласни дека е неопходно да се продолжат преговорите и така да се направи обид дека ќе се појават што повеќе заеднички допирни точки.
„Ќе се вратиме во своите престолнини на консултаци. Ќе го задржиме интензивниот контакт со иранската страна за да го подготвиме следниот состанок во Москва за 18-ти и 19-ти јуни“, рекла Ештон додавајќи дека преговорите ќе се темелат на принципот чекор по чекор и реципроцитет. Изразила решителност за решавањео на овој проблем преку преговори.
Главниот ирански преговарач Саид Џалил во четвртокот навечер повтори дека Иран располага со „апсолутнно право“ да збогатува ураниум.
Преговорите меѓу Иран и шесторката (САД, Русија, Кина, Велика Бртианија, Франција и Германија) за иранската нуклеарна програма се одржуваа во средата и четвртокот во ирачката престолнина Багдад.
Главната причина за несогласувањата е во тоа што Иран сака да издејствува ублажување на економските санкции додека шесте земји бараат претходно Иран да се откаже од збогатувањето на ураниумот. Западните сили сакаат гаранција дека Техеран не работи на производство на нуклеарно вооружување, што го негираат иранските власти кои тврдат дека збогатениот ураниум му е потребен во мирнодопски цели, пред сѐ за добивање електрична енергија и во медицински цели.
Ова беше втор состанок откако кон средината на април во турската метропола Истанбул по 15 месеци на јакнењето на тензиите беа продолжени дипломатските контакти меѓу Техеран и меѓународната заедница./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.