Свет
Мубарак осуден на доживотен затвор
Поранешниот египетски претседател Хосни Мубарак во саботата е осуден на доживотен затвор поради убиствата на демонстрантите во текот на бунтот против неговото децениско владеење, се наведува во пресудата на судот во Каиро.
Судењето на 84-годишниот Хосни Мубарак започна во август минатата година, а целата постапка во судницата ја следеше од специјална болничка постела. Неговата здравствена состојба за цело време на процесот беше предмет на спорење, па се јавија шпекулациите дека е болен од срце и од карцином, но тоа беше демантирано од египетското министерство за здравство.
На судот пред Мубарак пристигнаа неговите синови Алаа и Гамал, поранешниот министер за внатрешни работи Хабиб ел-Адил и шест поранешни високи функционери на службите за безбедност на коишто исто така им се судеше за убиствата на демонстрантите во текот на ткн Арапска пролет.
Мубарак на обвинението се изјасни дека не се чувствува виновен.
Веднаш по прочитувањето на пресудата, избувнал жесток вербален па потоа и физички судир меѓу адвокатите на двете страни и роднините на жртвите и на осудените во самата судница на Полициската академија во Каиро.
Веднаш по изрекувањето на пресудата во салата почнале извици со барање за казна за Мубарак, а потоа набрзо во партерот избувнала тепачка.
На доживотен затвор е осуден и поранешниот министер за внатрешни работи Хабиб ал-Адли. Сите други обвинети се ослободени. Синовите на поранешниот претседател Гамал Алаа се ослободени од обвинението, поради застареност.
Обвинителството бараше смртна казна за главните обвинети, Хосни Мубарак и поранешниот министер за внатрешни работи на Египет, Хабиб ал-Адли. Нивните адвокати побараа ослободителна пресуда.
Во текот на растурањето на масовните народни демонстрации на крајот од јануари и почетокот на февруари минатата година, што на крајот доведоа до падот на поранешниот претседател Мубарак, загинаа повеќе од 800 лица, а неколку илјади беа ранети./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Снимка од приведувањето на три лица во БиХ кои на Тикток објавија дека ја држат Данка
Тројца мажи кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управа за технологија, уапси три лица кои се сомничат дека преку социјалната мрежа Тикток објавиле дека се поврзани со исчезнување на девојчето Данка Илиќ.
Уапсени се Б.Т.(2002), М.Т.(2001) и З.Т.(1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Свет
Голем руски ракетен напад врз украинските централи, штетата е голема
Русија ги нападна термоцентралите и хидроцентралите во централна и западна Украина со проектили и беспилотни летала, во уште еден од серијата напади врз веќе оштетената енергетска инфраструктура, објави електроенергетскиот оператор „Укренерго“.
„Во масовен и комбиниран напад, руските сили повторно ги гаѓаа енергетските објекти во текот на ноќта“, објави Укренерго на Телеграм. Оштетени се термоцентралите и хидроцентралите во централниот и западниот регион“, додава операторот.
Според локалните власти и министерот за енергетика Герман Гелушенко, нападнати биле енергетските објекти во областа Камиаске во близина на градот Днепро и енергетската инфраструктура во регионите Дњепропетровск, Полтава и Черкаси.
„Објектите за производство на електрична енергија беа нападнати со беспилотни летала и проектили“, рече Гелушенко.
Најголемата приватна енергетска компанија ДТЕК потврди дека биле нападнати три нејзини термоцентрали. Дистрибутерот на електрична енергија оваа недела објави дека ДТЕК изгубил околу половина од својот производствен капацитет.
Украинската армија објави дека соборила 58 од 60 лансирани руски беспилотни летала и 26 од 39 проектили.
Регион
Два силни земјотреси го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9 часот и 12 минути на подрачјето на Јонското Море, а минута претходно е регистриран земјотрес со јачина од 4,3 степени, пренесува Катимерини.
Двата земјотреси беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија Ефтимис Лекас на платформата Х напиша дека нема повредени и дека не е причинета штета, додека директорот на Геодинамичкиот институт Атанасиос Ганас рече дека причината што не е причинета материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.