Свет
Најмалку 17 загинати во напад на сирискиот град Дера
Најмалку 17 лица се убиени ноќта кон саботата , меѓу кои се 9 жени и 3 деца, во јужниот сириски град Дера, соопшти Сириската опсерваторија за човекови права (SOHR) со седиште во Лондон.
Според активистите на Опсерваторијата, сириската армија извела напад врз станбена населба во градот кој се смета за еден од главните центри на бунтот против претседателот Башар ал-Асад. Во нападот биле ранети повеќе десетици лица, а некои од нив биле во критична состојба.
По нападот, според сириските опозициски активисти, дошло до судир меѓу војската и вооружените бунтовнички групи во градот, по што биле прекинати сите комуникации .
Сириската опсерваторија за човекови права наведува дека притисокот на власта и судирите меѓу војската и бунтовничките сили се засилиле и во сириската престолнина Дамаск, а дека во петокот во целата земја биле убиени 68 лица, главно цивили.
Пред два дена се убиени најмалку 78 лица меѓу кои 18 жени и деца во местото Мазрат ал-Кубеир во централната сириска провинција Хама, а сириските власти и опозицијата си ја префрлаат одговорноста за овој масакр.
Воените мировни набљудувачи со мандат на Обединетите нации во петокот попладне влегоа во селото и наведоа дека пронашле траги за присуство на владините сили, како и дека е извршен масакр, се наведува во соопштението издадено во саботата.
„Во селото немаше ниеден жител, па набљудувачите не може со никого да разговараат кој би сведочел за нападот од средата“, се прецизира во соопштението на набљудувачката мисија на ОН.
Се додава дека во близина на селото биле откриени траги од оклопни возила и дека некои од куќите се оштетени со ракети, гранати и друго огнено оружје и д различен калибар. Притоа западните агенции забележуваат дека само сириската армија поседува оклопни возила и тешко вооружување.
„Во некои од куќите се забележани траги од крв по ѕидовите и подовите. На улиците уште гореше оган и можеше да се почувствува силната реа од изгорено месо“, изјавуваат набљудувачи на ОН.
Во соопштението се додава дека околностите за нападот сé уште не се познати. „Имињата, деталите и бројот на убиените допрва треба да биде утврден. Набљудувачите уште работат на утврдување на фактите“, се додава во соопштението.
Момче коешто живеело во близината на Мазрат ал-Кубеир изјавило дека видело „изгорени тела на деца, жени и девојки’ како лежат на земјата.
Масакрот во селото Мазрат ал-Кубеир, во кое живеле 15-иан семејства со вкупно 150 жители, во покраината Хама, се одигра во средата, две седмици по масакрот во селото Хула каде што беа убиени 108 луѓе, од кои половината деца и 30-ина жени.
Опозицијата и Сириската опсерваторија за човекови права за масакрите ги обвинуваат „шабихите“, локалните вооружени народни милиции коишто го поддржуваат режимот на претседателот Башар ал-Асад, додека официјален Дамаск за масакрите ги обвинува терористичките групации во кои има и платеници од странство а се поддржани од странски земји./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.