Свет
САД не ја обвинува Русија за снабдување со оружје на Сирија
Пентагон не се сомнева дека Русија ја снабдува Сирија со оружје за Сирија, Москва го исполнува претходно склучениот договор со Дамаск за воено техничка соработка, изјави портпаролот на Пентагон, Џон Кирби.
„Сакам да ве потсетам на изјавата на руската влада, во кое беше кажано дека станува збор за реализација на од поодамна потпишан договор, според кој тие (Русија – з.р.), се должни да ја снабдат со хеликоптери сириската страна. Се разбира, ние им ја изложивме (на руската страна -з.р.) нашата позиција во однос на недозволивоста на доставувањето ново оружје, коешто би можело да биде употребено против цивилите“, изјави портпаролот Кирби на брифинг со новинарите ноќта кон средата според средноевропско време.
Според него, меѓу САД и Русија постојат разлики во врска со решавањете на сириската криза, но и двете земји се согласуваат дека во Сирија е неопходно да се поддржи политичкиот дијалог меѓу сите инволвирани страни.
Минатата седмица американската државна секретарка Хилари Клинтон ја обвини Русија за снабдување со борбени хеликоптери на армијата на сирискиот претседател Башар ал-Асад, но подоцна Стејт департментот практично ги повлече овие обвинувања додавајќи дека станува збор за всушнсот за доставување на ремонтирани борбени хеликоптери Ми-25 кои во Русија биле на поправка, што претходно го соопшти Кремљ.
Во вторникот, инаку, беше запрен товарниот брод „Alead“ на руската бродска компанија „Фемко“ во близина на брегот на Шкотска, откако британската осигурителна компанија „Standard Club“ ги поништи осигурителните полиси за осумте брода на руската компанија.
Крајната дестинација на бродот „Аlaed“ којшто исплови од руското пристаниште Калининград на Балтикот, кој наводно ги превезува борбените хеликоптери од типот Ми-25, е пристаништето Тартус, каде што се наоѓа единствената руска морнаричка база во Средоземјето.
Во однос на ткн „хеликоптерска криза“, Русија тврди дека го почитува договорот на Советот за безбедност на Обединетите нации и дека во случај испораката на хеликоптерите за Сирија всушност станува збор за ремонт на сириски борбени хеликоптери од руско производство, според договор што бил потпишан многу пред да започне 15-месечната криза во Сирија./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.